Па стане на 16 мая ў Беларусі пацверджаны 28 681 выпадак каранавіруса, паведамляе Мінздароўя. Ачунялі і выпісаныя 9 498 пацыентаў, 160 чалавек з выяўленым раней COVID-19 памерлі.

За суткі лабараторна пацвердзілі 951 новыя выпадкі COVID-19, па афіцыйных дадзеных памерлі 4 чалавекі, 691 чалавека выпісалі.

З пачатку распаўсюджвання каранавіруса ў Беларусі правялі 335 057 тэстаў, з іх за апошнія суткі - 13 352, такім чынам станоўчыя вынікі склалі каля 7,1%.

У Міністэрстве аховы здароўя лічаць, што Беларусь выйшла на плато па захворванні каранавірусам. У апошнія дні медыкі выяўлялі прыкладна аднолькавая колькасць інфіцыраваных. Паводле слоў намесніцы міністра аховы здароўя Алены Богдан, колькасць зарэгістраваных выпадкаў заражэнняў складае ў сярэднім ад 8,7 да 9,7% ад колькасці праведзеных за дзень тэстаў. Кіраўнік літоўскага Цэнтра прафілактыкі інфекцыйных захворванняў і СНІДу (ULAC), прафесар Саўлюс Чаплінскас у інтэрвью патлумачыў, што толькі калі прырост новых выпадкаў будзе складаць 3% і менш ад праведзеных тэстаў, можна будзе казаць пра спад эпідэміі. Паводле яго слоў, на плато (калі штосуткавы прырост хворых амаль не змяняецца) можна знаходзіцца вельмі доўга, аж да таго, пакуль не перахварэюць усё.

Зараз у Беларусі тэстуюць некалькі груп насельніцтва:

  • кантакты 1-га ўзроўню тых, хто ўжо захварэў і ў каго пацвердзіўся дыягназ COVID-19;
  • пацыенты з няцяжкай (у залежнасці ад іншых сімптомаў) або цяжкай пнеўманіяй;
  • медыкі, якія працуюць з заражанымі або кантактавалі з ужо інфікаванымі калегамі;
  • прыезджыя на самаізаляцыі пры пагаршэнні стану, зважаючы на паказанні.

Хроніка каранавіруса ў Гродне