Новости

Прагноз: пік заражэння COVID-19 на Гродзеншчыне будзе на гэтым тыдні. Калі будзе «плато»?

412 пацыентаў лечацца ў вобласці ад каранавіруса па дадзеных на 5 мая. Да сярэдзіны гэтага тыдня чакаецца пік захворвання COVID-19. З наступнага тыдня наступіць «фаза плато» — колькасць хворых перастане павялічвацца, а ачунялых стане куды больш. Пра гэта распавёў Віктар Пранюк, намеснік старшыні аблвыканкама.

Па дадзеных на 5 траўня, з медыцынскіх устаноў вобласці выпісалі ўжо 142 чалавека, якія перахварэлі на каранавірус, паведаміў Віктар Пранюк. Зараз праходзяць лячэнне 412 пацыентаў. У вобласці ёсць 9000 месцаў для хворых, кажа намеснік старшыні аблвыканкама.

— У Гродне ёсць 29 чалавек, якія перахварэлі на каранавірусную інфекцыю і ўжо выпісаныя з устаноў аховы здароўя, — распавядаў 4 траўня Юры Громак, доктар-трансфузіёлаг аддзялення камплектавання донарскіх кадраў.

Для лепшай дыягностыкі ў Гродне працуюць ужо чатыры лабараторыі, якія даследуюць біяматэрыялы на наяўнасць COVID-19. Гэта лабараторыі на базе абласнога цэнтра гігіены, эпідэміялогіі і грамадскага здароўя, абласной інфекцыйнай бальніцы, абласнога клінічнага скурна-венералагічнага дыспансэра, а таксама лабараторыя ў універсітэцкай клініцы, якая нядаўна адкрылася.

Што такое «фаза плато»?

— Па прагнозах, да сярэдзіны гэтага тыдня вобласць выйдзе на пік захворвання COVID-19. З наступнага тыдня наступіць «фаза плато» — колькасць хворых перастане павялічвацца, а ачунялых стане куды больш, — паведаміў Віктар Пранюк.

Віктар Пранюк

Што такое «фаза плато»?

Фаза плато — гэта перыяд часу, калі колькасць заражаных перастае прагрэсаваць, расці і стабілізуецца.

Пасля праходжання стадыі эпідэміялагічнага плато звычайна надыходзіць спад захворвання, колькасць ачунялых расце, а колькасць ізноў захварэлых скарачаецца.

Калі гэтая фаза наступіць у Беларусі?

Медыцынскія чыноўнікі па ўсім свеце кожны дзень выступаюць з заявамі пра перспектывы выхаду на плато каранавіруса ў горадзе ці краіне. Намеснік галоўнага ўрача Рэспубліканскага цэнтра гігіены, эпідэміялогіі і грамадскага здароўя Ірына Глінская распавяла ў эфіры тэлеканала «Беларусь 1» аб тым, як фармаваўся прагноз і калі Беларусь выйдзе на плато па колькасці заражаных каранавірусам.

— Цяпер мы маем зніжэнне захворвання па гэтаму рэгіёну (Віцебскай вобласці. — Прыма. T*T.BY). Мяркуем, што дзесьці праз месяц, магчыма, нават да канца гэтага месяца, мы ўсё ж такі выйдзем на ўстойлівае зніжэнне захворвання і тады ўжо можна будзе казаць пра нейкія наступныя прагнозы, — распавяла Ірына Глінская.

Калі скончыцца пандэмія?

Раней аналітыкі прагназавалі, што пандэмія каранавіруса ў Беларусі завершыцца 17 ліпеня. Паводле разлікаў, да 23 траўня ўсталююць 97% заражаных, а 2 чэрвеня — 99. У свеце ж апошні выпадак усталююць 1 снежня. Цяпер, кажучы пра канец пандэміі ў свеце, называюць дату 20 снежня 2020 года.

Фота: ddi.sutd.edu.sg

Паводле афіцыйных звестак Міністэрства аховы здароўя, па стане на 11 лютага ў Беларусі пацверджана 263 551 выпадак каранавіруса (1692 за апошнія суткі), ачунялі і выпісаны 252 068 (1990 за апошнія суткі) пацыентаў, памёрлі 1820 чалавек (9 за апошнія суткі).

Хроніка каранавіруса ў Гродне

Падзяліцца

Апошнія запісы

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025

Блогер-гісторык Яўген Аснарэўскі выдаў турыстычны даведнік па Гродне з аўтарскімі маршрутамі

Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…

31 сакавіка 2025

У Гродна прыйшоў новы трэнд — ранішнія рэйвы ў кавярнях

Як мінімум дзве гродзенскія кавярні, My Lover Berry і «Крепкий белый», вырашылі апрабаваць новы фармат…

31 сакавіка 2025