Новости

Лукашэнка ўхваліў першы пакет мераў па падтрымцы эканомікі і сацсферы

Аляксандр Лукашэнка 24 красавіка падпісаў указ № 143 «Аб падтрымцы эканомікі». Дакумент прыняты па выніках нарады аб першачарговых мерах па забеспячэнні ўстойлівай працы эканомікі і сацыяльнай сферы краіны ва ўмовах сусветнай эпідэміялагічнай сітуацыі, праведзенай 23 красавіка 2020 года, паведамляе прэс-служба прэзідэнта.

Указ прадугледжвае падтрымку кампаній асобных галін эканомікі, найбольш пацярпелых ад пандэміі каранавіруса. Пералік такіх галін ёсць у дадатку да ўказа. У яго ўвайшлі:

  • апрацоўчая прамысловасць,
  • вытворчасць тэкстыльных вырабаў, адзення, вырабаў са скуры і футра,
  • аптовы і рознічны гандаль,
  • рамонт аўтамабіляў і матацыклаў,
  • транспартная паштовая і кур’ерская дзейнасць,
  • дзейнасць сухапутнага і трубаправоднага транспарту,
  • паслугі па грамадскаму харчаванню,
  • аперацыі з нерухомай і рухомай маёмасцю і інш.

Згодна з указам, прадугледжаны:

  • адтэрміноўкі і растэрміноўкі выплаты падатковых крэдытаў,
  • скарачэнне тэрміну вяртання з бюджэту розніцы паміж сумай падатковых вылікаў і агульнай сумай ПДВ,
  • індывідуальным прадпрымальнікам прадастаўляецца магчымасць пераходу на іншыя рэжымы падаткаабкладання і пераразліку адзінага падатку ў сувязі з часовым неажыццяўленні імі дзейнасці,
  • арэндныя вакацыі, мараторый на павелічэнне базавай арэнднай велічыні і арэнднай платы,
  • права мясцовым распарадчым і выканаўчым органам памяншаць маёмасныя падаткі.

Юрыдычным асобам і ІП — уласнікам маёмасці - рэкамендавана прадастаўляць арандатарам адтэрміноўку па аплаце арэнднай платы, а таксама змяншаць яе памер з улікам аб’ёму іх выручкі.

Абраны арганізацыяй парадак падатковага ўліку курсавых розніц можна змяніць адзін раз на працягу 2020 года, ён будзе дзейнічаць на працягу ўсяго падатковага перыяду.

Парушальнікаў законаў будуць зачыняць на тры месяцы

Міністрам аховы здароўя, антыманапольнага рэгулявання і гандлю, а таксама старшыні Дзяржстандарту прадастаўлена права спыняць працу гандлёвага аб’екта, аб’екта грамадскага харчавання да ліквідацыі парушэнняў (але не больш чым на 90 дзён) у выпадку ўстанаўлення па выніках праверкі парушэнняў заканадаўства, кантроль за выкананнем якога адносіцца да кампетэнцыі адпаведнага ведамства. Дадзеная мера накіравана на павышэнне дысцыпліны ў рабоце суб’ектаў гаспадарання.

Што змянілася для наймальнікаў і работнікаў

Скарочаны мінімальны тэрмін папярэджання работнікаў аб змене наймальнікам істотных умоў працы (без памяншэння памераў аплаты працы). Да 3 месяцаў прадоўжаны тэрмін магчымага часовага пераводу работнікаў у сувязі з вытворчай неабходнасцю, з-за неспрыяльнага ўздзеяння эпідэміялагічнай сітуацыі, а таксама для замяшчэння адсутнага работніка.

Прадугледжана выплата дапамогі па бальнічным для тых, хто ажыццяўляе догляд дзіцяці да 10 гадоў, якія наведваюць садок ці школу, калі гэты дзіця адносіцца да кантактаў першага або другога ўзроўню.

У мэтах спрашчэння працэдур закупак заказчыкам прадастаўлена права на дзяржзакупкі з адной крыніцы (у аб’ёме, неабходным для забеспячэння патрэбнасці цягам 2 месяцаў) у выпадку, калі дагавор з ранейшым пастаўшчыком скасаваны.

Пастаўшчыкі, якiя не выканалi свае абавязацельствы і вымушаныя скасаваць дамову па аб’ектыўных прычынах, часова не будуць ўключацца ў спіс нядобрасумленных пастаўшчыкоў.

Ураду прадастаўлена права на прыняцце спецыяльнага часовага парадку ажыццяўлення дзяржзакупак, калі гэта спатрэбіцца з-за пагаршэння эпідэміялагічнай сітуацыі.

Курс для запазычанасцяў па энергарэсурсах замарожаны

Пагашэнне запазычанасці за энергарэсурсы ў замежнай валюце вызначаецца па курсе рубля, устаноўленаму Нацыянальным банкам на 31 снежня 2019 года да замежнай валюты, якая выкарыстоўваецца для разлікаў за энергарэсурсы.

Указам прадугледжваецца і шэраг іншых норм і палажэнняў, якія дазволяць падтрымаць працу суб’ектаў гаспадарання і захаваць працоўныя калектывы ва ўмовах замаруджвання эканамічнай актыўнасці, піша president.gov.by.

2 красавіка прэм’ер-міністр Беларусі Сяргей Румас казаў, што комплекс мер прадугледжвае падтрымку сектараў, у якіх працуюць каля 550 тысяч чалавек. Паводле яго слоў, прамыя меры бюджэтна-падатковай падтрымкі складуць каля 110 млн беларускіх рублёў. Ён таксама анансаваў другі пакет антыкрызісных мер, якія будуць тычыцца падтрымкі прамысловасці і будаўніцтва, піша t*t.by.

Падзяліцца

Апошнія запісы

У Гродне падаражэў праезд у гарадскім транспарце — і на прыгарадных маршрутах

З 5 красавіка ў Гродне талоны на праезд у гарадскім грамадскім транспарце даражэюць на 10…

4 красавіка 2025

«Інтэр'еры з Pinterest» і «цэны як у Венецыі». У Гродне адкрылі буцік-гатэль The Cult на месцы знесенага гістарычнага будынка

У Гродне на Віленскай, 37 адкрыўся новы буцік-гатэль і рэстаран The Cult - і выклікаў…

2 красавіка 2025

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025