«Гродна Азот» пераходзіць на «чатырохдзёнку» з-за пандэміі

На «Гродна Азот» усталёўваюць няпоўны працоўны тыдзень. Як напісана ў загадзе, гэта адбываецца «ў сувязі з часовым скарачэннем аб’ёмаў вытворчасці». Такі дакумент ад 16 красавіка 2020 года трапіў у адзін з тэлеграм-каналаў Гродна. На прадпрыемстве пацвярджаюць інфармацыю.

З 18 красавіка супрацоўнікі працуюць з выходнымі ў суботу, нядзелю і адным непрацоўным днём, каб забяспечваць бесперабойную працу падраздзяленняў. Пераводзяць На чатырохдзёнку 96 падраздзяленняў.

Заробак ім цяпер плацяць за фактычна адпрацаваны час або выкананую працу. Звышурочку будуць кампенсаваць іншым непрацоўным днём. Калі работнікі будуць нязгодныя, з імі скасуюць кантракт.

Таксама пакуль абмяжуюць прыём на вакансіі рабочых і служачых.

На прадпрыемстве інфармацыю пацвярджаюць. Пакуль не робяць прагнозаў, колькі гэта працягнецца. Замежныя партнёры закупляюць прадукцыю, але не ў ранейшых маштабах. Як кажуць на прадпрыемстве, гэта звязана «з негатыўнай сітуацыяй на рынку капралактаму і прадуктаў яе перапрацоўкі».

Як распавядаюць на прадпрыемстве, частка работнікаў працуе на чатырохдзённым працоўным тыдні. На пяты дзень прадастаўлены сацыяльны адпачынак з аплатай 2/3 тарыфнай стаўкі. Гэта датычыцца ў тым ліку падраздзяленняў, якія займаюцца рамонтам цэхаў, дапаможных цэхаў, заводакіраўніцтва і адміністрацыі прадпрыемства. Цяпер разглядаецца варыянт пераводу работнікаў на чатырохдзёнку, пры якім пяты дзень будзе неаплатным.

— Многае залежыць ад пастаўшчыкоў і партнёраў, з якімі мы працуем, у тым ліку і за мяжой. Мы экспартуем большую частку выпускаемай прадукцыі. Таму ўсё будзе залежаць ад таго, як будзе працаваць рынак і як будзе развівацца пандэмія каранавіруса. Як толькі нашы партнёры за мяжой будуць гатовыя ў поўным аб’ёме браць усё, што мы вырабляем, то мы адразу ж вернемся на поўны працоўны тыдзень, — тлумачылі раней на прадпрыемстве. У выпадку паляпшэння сітуацыі на рынку прадпрыемства вернецца ў звычайны рэжым працы.

Падзяліцца

Апошнія запісы

У цэнтры Гродна закрылася крама спорттавараў, якая працавала больш за 30 гадоў

Гродзенцы звярнулі ўвагу, што з будынка па вуліцы Ажэшкі, 42 знікла шыльда «Спорттавары». Instagram-акаўнт крамы…

28 красавіка 2025

Фільм на кітайскай раскажа пра Гродна і яго «інвестыцыйную прывабнасць»

Іміджавы фільм аб інвестыцыйнай прывабнасці Гродна задумалі ў гарвыканкаме. На яго выдаткуюць бюджэтныя грошы. Відэа…

28 красавіка 2025

У Гродне з’явіўся амерыканскі дэсерт — печыва з рознымі начыннямі

У Гродне пачалі прадаваць «крамбл кукіс» — амерыканскае печыва з рознымі дадаткамі і салодкімі топінгамі.…

28 красавіка 2025

Назву гурта Dzieciuki і яго сацсеткі прызналі «экстрэмісцкімі». Падобна, што «экстрэмісцкай» стала і першая беларускамоўная газета

Сацсеткі панк-гурта з Гродна Dzieciukі і сам гэты надпіс у Беларусі прызналі "экстрэмісцкімі матэрыяламі". Паводле фармулёўкі…

27 красавіка 2025

Нерухомасць тыдня: у Гродне прадаюць дом з ажурным балконам за 60 метраў ад Нёмана

У Гродне на продаж выставілі дом на 2-м Падольным завулку - па суседстве з рэстаранам…

26 красавіка 2025

Школьнікі з Гродна трапілі пад прафілактыку за «зігаванне» і нацысцкую сімволіку

Міліцыя Грjдзенскай вобласці маніторыла Інтэрнэт і занепакоілася "нацызмам" сярод школьнікаў. Яны "зігуюць", слухаюць музыку Трэцяга…

25 красавіка 2025