Вялікую Траецкую адкрылі для руху, а паркоўку на вуліцы Віленскай для людзей з інваліднасцю прыбралі. Гэта «заслуга» аматараў паркавацца на месцах для інвалідаў, піша autogrodno.by
Нагадаем, паркоўка ўздоўж вуліцы Віленскай страціла статус агульнай ў канцы 2016 года, яе зрабілі даступнай толькі для інвалідаў. Яна была разлічана на 10 аўтамабіляў. Звычайных аўтамабілістаў запрасілі паркавацца на платнай, праз тратуар.
Хоць вісеў знак, паркоўка заўсёды была занятая аўтамабілямі звычайных гродзенцаў. Супрацоўнікі ДАІ глядзелі на гэта тры месяцы і даслалі эвакуатар. Парушальнікаў масава эвакуіравалі, але гэта не падзейнічала.
— Я часта кажу людзям, што тут нельга паркавацца і што ёсць абмежавальны знак. Але амаль усе кажуць: «Мы на некалькі хвілін і паедзем», — распавядаў актывіст.
У выніку парушальнікі «перамаглі». Паркоўку вырашылі ліквідаваць. Падчас рэканструкцыі Вялікай Траецкай і Віленскай з яе зрабілі ходнік.
Як распавялі АвтоГродно будаўнікі, ёсць і другая прычына ліквідацыі паркоўкі: часам прыпаркаваныя аўтамабілі напалову выступалі на праезную частку, што перашкаджала праезду тралейбусаў.
Нядаўна чытач Hrodna.life Антон Бажко прапанаваў гарадскім уладам стварыць новы прыпынак на вуліцы Віленскай — менавіта на гэтым месцы. На яго думку, гэта істотна спросціць перамяшчэнні ў цэнтры: з’явіцца прамежкавы прыпынак на адным з самых доўгіх перагонаў у горадзе («Дом Мураўёва» — «1-я паліклініка»). Ён складае 945 метраў, і перавышае адпаведныя нормы.
З боку вуліцы Горкага яшчэ вісіць «цэгла», але аўтамабілісты яе ігнаруюць. У выніку на вузкай вуліцы даводзіцца ўвесь час раз’язджацца з будаўнічай тэхнікай.
З боку каланчы праезд адкрыты.
Доступ да вялікай паркоўкі на вуліцы Дамініканскай — адкрыты.
Гродзенскія пункты выдачы заказаў Wildberries і Ozon аказаліся перапоўнены падарункамі для жывёл. Гэта вынік Таемнага…
Новы сувенір у выглядзе "раскладанкі" са знакавымі аб'ектамі Гродна ствараюць улады. Яго выканаюць у выглядзе…
Некалькі сотняў Дзядоў Марозаў, Снягурак, сабачак, вавёрачак і разнастайных іншых персанажаў 20 снежня прайшлі ад…
Трохпакаёвая кватэра знаходзіцца на вуліцы Савецкіх Пагранічнікаў. Сцены ў ёй абвешаныя рэпрадукцыямі, дзвярныя праёмы выкананы…
Спецыяльнае праграмнае забеспячэнне для сачэння за актыўнасцю ў камп'ютарах закупляе Гродзенскае агенцтва па дзяржаўнай рэгістрацыі…
У Гродне рэканструююць тэрыторыю, прылеглую да вадаёма па вул. Рэпіна. Там жа ўладкуюць дзіцячую інклюзіўную…