А1 дасць беларускім медыкам безліміт сувязі і смартфоны для барацьбы з COVID-19 бясплатна

Аператар A1 забяспечыць беларускіх медыкаў, занятых барацьбой з каранавірусам, смартфонамі і бясплатнай рабочай сувяззю. Камплекты сувязі будуць выкарыстоўваць у самых гарачых зонах, дзе лечаць пацыентаў з COVID-19 — у аддзяленнях інтэнсіўнай тэрапіі, інфекцыйных аддзяленнях, пры працы на хуткай, у лабараторыях, дзе праводзіцца тэставанне. Гэта дазволіць мінімізаваць выкарыстанне асабістых тэлефонаў і знізіць рызыку распаўсюджвання інфекцыі за межамі інфікаваных зонаў.

500 камплектаў сувязі, якія складаюцца з новых смартфонаў «А1 Альфа» і таксама SIM-карт з безлімітнымі званкамі ва ўсе сеткі і безлімітным інтэрнэтам, перададуць беларускім медыкам ва ўстановы аховы здароўя усіх рэгіёнаў Беларусі. Гэтыя камплекты сувязі будуць выкарыстоўвацца ў якасці аператыўных працоўных інструментаў лекарамі і супрацоўнікамі бальніц для каардынацыі лячэння хворых з выяўленай COVID-19, у тым ліку для правядзення відэаканферэнцый з Рэспубліканскай кансультатыўнай групай па пытаннях лячэння пацыентаў з віруснай інфекцыяй COVID-19.

Па дамоўленасці з Міністэрствам аховы здароўя, адзіным бенефіцыярам дабрачыннай дапамогі выступіць дзяржаўная ўстанова «Рэспубліканскі цэнтр арганізацыі медыцынскага рэагавання». Ён адрасна размяркуе камплекты сувязі па ўстановах аховы здароўя Мінска, а таксама ўсіх абласцей і раёнаў краіны.

«Мы ўдзячныя за своечасовую дапамогу беларускай ахове здароўя, якую аказвае кампанія А1. Упэўнены, што прадастаўленыя А1 камплекты сувязі забяспечаць медыцынскім работнікам яшчэ больш магчымасцяў для аптымізацыі рабочай камунікацыі і абмену інфармацыяй у бягучых абставінах», — заявіў галоўны ўрач ДУ «Рэспубліканскага цэнтра арганізацыі медыцынскага рэагавання» Эдуард Вальчук.

«Калі ляжа хуткая, ляжа краіна». Кіроўца з Гродна расказаў, як хуткая дапамога працуе падчас пандэміі, якой быццам бы няма

Усе аператары мабільнай сувязі Беларусі выступілі з ініцыятывай падтрымаць медработнікаў, занятых на барацьбе з COVID-19, і забяспечыць для іх магчымасць быць на сувязі і online без дадатковых выдаткаў для максімальна эфектыўнай камунікацыі.

Раней А1 зрабіў бясплатнымі званкі для жыхароў Беларусі на гарачыя лініі па пытаннях прафілактыкі COVID-19 і аказаў дабрачынную дапамогу Мінскай гарадской клінічнай інфекцыйнай бальніцы.

Аператар life ўжо налічвае ўсім медыцынскім работнікам Беларусі, абанентам любога тарыфнага плана life, безлімітныя званкі ва ўсе сеткі і інтэрнэт-трафік, не абмежаваны па хуткасці. Яго можна раздаваць на іншыя прылады.

Як паведамлялі ў Міністэрстве аховы здароўя, МТС таксама плануе прадаставіць безлімітны інтэрнэт і 3000 хвілін ва ўсе сеткі краіны для медыкаў на карпаратыўных планах. Дадатковымі бонусамі можна будзе скарыстацца ў пачатку траўня і да канца лета. Акрамя гэтага для патрэб медыкаў кампанія мае намер перадаць 100 планшэтаў.

Падзяліцца

Апошнія запісы

У цэнтры Гродна закрылася крама спорттавараў, якая працавала больш за 30 гадоў

Гродзенцы звярнулі ўвагу, што з будынка па вуліцы Ажэшкі, 42 знікла шыльда «Спорттавары». Instagram-акаўнт крамы…

28 красавіка 2025

Фільм на кітайскай раскажа пра Гродна і яго «інвестыцыйную прывабнасць»

Іміджавы фільм аб інвестыцыйнай прывабнасці Гродна задумалі ў гарвыканкаме. На яго выдаткуюць бюджэтныя грошы. Відэа…

28 красавіка 2025

У Гродне з’явіўся амерыканскі дэсерт — печыва з рознымі начыннямі

У Гродне пачалі прадаваць «крамбл кукіс» — амерыканскае печыва з рознымі дадаткамі і салодкімі топінгамі.…

28 красавіка 2025

Назву гурта Dzieciuki і яго сацсеткі прызналі «экстрэмісцкімі». Падобна, што «экстрэмісцкай» стала і першая беларускамоўная газета

Сацсеткі панк-гурта з Гродна Dzieciukі і сам гэты надпіс у Беларусі прызналі "экстрэмісцкімі матэрыяламі". Паводле фармулёўкі…

27 красавіка 2025

Нерухомасць тыдня: у Гродне прадаюць дом з ажурным балконам за 60 метраў ад Нёмана

У Гродне на продаж выставілі дом на 2-м Падольным завулку - па суседстве з рэстаранам…

26 красавіка 2025

Школьнікі з Гродна трапілі пад прафілактыку за «зігаванне» і нацысцкую сімволіку

Міліцыя Грjдзенскай вобласці маніторыла Інтэрнэт і занепакоілася "нацызмам" сярод школьнікаў. Яны "зігуюць", слухаюць музыку Трэцяга…

25 красавіка 2025