Па стане на 14 красавіка ў Беларусі зарэгістраваны 3281 чалавек з афіцыйна пацверджанай каранавируснай інфекцыяй. Памерлі 33 пацыенты.
Як паведаміла сёння прэс-служба Міністэрства аховы здароўя, шпіталізаваны 2444 чалавекі: у астатняй часткі пацыентаў захворванне COVID-19 працякае ў лёгкай форме і яны лечацца амбулаторна. 57 пацыентаў маюць патрэбу ў падтрымцы апарата штучнай вентыляцыі лёгкіх.
За апошнія суткі дыягнаставана 362 новыя выпадкі (прырост усяго 13% супраць нядаўніх 30−39%), памерлі 4 чалавекі.
13 красавіка, учора, паведамлялася, што пасля праходжання лячэння ачунялі і выпісаныя 203 чалавекі. Па звестках на 14 красавіка, не ў шпіталі знаходзяцца 804 чалавекі з зарэгістраваных выпадкаў. Пакуль застаецца незразумелым, як Міністэрства аховы здароўя цяпер ўлічвае выпісаных: ці адпраўляе дадому для самаізаляцыі пацыентаў з подвержденным тэстам, але без пнеўманіі.
— Я думаю, што ў бліжэйшы час мы зробім нарматыўны дакумент Міністэрства аховы здароўя, які дазволіць грамадзянам з бессімптомным цячэннем ці лёгкім цячэннем каранавіруснай інфекцыі пры ўмове магчымасці поўнай самаізаляцыі знаходзіцца дома, — паведаміла 12 красавіка намеснік міністра аховы здароўя Алена Богдан в эфире СТВ.
Таксама з 8 красавіка перасталі шпіталізаваць кантакты 1-га ўзроўню. Іх абавязваюць самаізалявацца дома з афармленнем лістка непрацаздольнасці, і адпраўляюць у так званыя кантактныя цэнтры, толькі калі магчымасці для самаізаляцыі няма.
Літва: 1070 выпадкаў, 101 выпісаны, 24 смерці;
Латвія: 657 выпадкаў, 16 выпісаны, 5 смерцяў;
Польшча: 7 049 выпадкаў, 618 выпісаны, 245 смерцяў;
Расія: 21 102 выпадкі, 1694 выпісаны, 170 смерцяў;
Украіна: 3 372 выпадкі, 119 выпісаны, 98 смерцяў.
На 14 красавіка ў Беларусі праведзена 71 875 тэстаў на каранавірусную інфекцыю. Для правядзення тэставання задзейнічана 17 лабараторый.
Тым часам па ўсім свеце спецыялісты адзначаюць да 30% памылковаадмоўных тэстаў на COVID-19. Такая сітуацыя павышае рызыку развіцця цяжкай формы захворвання. У Расіі дэпартамент аховы здароўя Масквы разаслаў паведамленне кіраўнікам паліклінік пра тое, што «паводле дадзеных рэферэнсных лабараторый, назіраецца значная колькасць выпадкаў памылковаадмоўных вынікаў тэставання на наяўнасць COVID-19»: «У сувязі з гэтым існуюць высокія рызыкі развіцця цяжкіх формаў захворвання», піша kommersant.ru. Таксама аб праблеме заявілі амерыканскія лекары: у вялікай колькасці пацыентаў ёсць відавочныя сімптомы каранавіруса, але тэсты даюць адмоўны вынік. Спецыялісты апісваюць дзве асноўныя прычыны: тэсты на COVID-19 не былі дастаткова добра падрыхтаваны і выпускаліся ў спешцы; персанал, накіраваны на ўзяцце матэрыялу, не заўсёды належным чынам навучаны гэтай працэдуры, паведамляе bloomberg.com.
Шматгадзінныя чэргі, перфаратар і два акенца на рэгістрацыю. Дзяўчына схадзіла ў Гродзенскае агенцтва па дзяржаўнай…
Прадпрыемства "Гродна Азот" 12 лютага ў Telegram-канале анансавала конкурс да Дня роднай мовы. Да самога…
Палітзняволены з Гродна Кірыл Кетурка скончыў жыццё самагубствам у Цэнтры ўтрымання пад вартай у Варшаве-Служэўцы…
Былому сенатару і дырэктару «Краснасельскбудматэрыялы» Уладзіміру Кісялёву пагражае да трох гадоў калоніі за разгалашэнне службовай…
"Малочны Мір" абавязалі змяніць назву для серыі глазураваных сыркоў. Пасля чыёсьці скаргі ў Міністэрства антыманапольнага…
На Гагарына, 25 у Гродне прадаецца двухпакаёвая кватэра з выдатна захаваным постсавецкім інтэр'ерам. Дом, у…