Навіны

«Отдыхает рутина в жажде карантина». Гродзенец напісаў песню пра каранавірус

Песню пра каранавірус запісаў гродзенец Яраслаў Семінскі. Для сваёй кампазіцыі ён выкарыстаў мелодыю песні «Feel» Робі Уільямса.

Тэкст песні пра каранавірус Яраслаў напісаў менш чым за гадзіну. Кажа, піша даўно і склаў ужо больш за 10 песень.

«Сёння занадта вялікая цікавасць прыкаваная да каранавіруса, — распавядае Яраслаў. — Якія навіны не адкрыеш, усюды гэты каранавірус. Хтосьці падумае, што я вырашыў хайпануць. Не, гэта проста мае думкі пра самую актуальную падзею гэтай вясны. Я вырашыў выкарыстаць мелодыю песні „Feel“ Робі Уільямса. Яна меладычная і акурат пасуе мне. Я нават песню ў студыі яшчэ не запісваў і не выкладваў нічога ў сеціва. Вы першыя, хто яе пачуў».

Яраслаў - даўні чытач Hrodna.life. Ён рознарабочы. Мы ўжо не раз мы пра яго пісалі: ён спрабаваў сябе ў мадэльным бізнесе, а таксама падпрацоўваў натуршчыкам для мастакоў. А яшчэ ён паспрабаваў пабіць рэкорд Гродна па адцісканнях.

Яраслаў прызнаецца, што каранавірус яго трывожыць, але ён думае, што летам усё скончыцца.

«Перахварэе ўся планета. Спадзяюся, што да жніўня ўсё пройдзе. Вельмі хачу ў гэта верыць. Шмат у мяне планаў на гэты час. За сябе я не баюся, нават маску не нашу. Кожны дзень у мяне спартыўныя трэніроўкі, імунітэт маладога чалавека справіцца. Больш баюся за блізкіх, старых. Вось пра каго мы павінны хвалявацца», — дадаў Яраслаў.


Чытайце таксама: Як дапамагчы гродзенскім медыкам, якія змагаюцца з каравірусам, і людзям з групы рызыкі?


На 10 красавіка паводле інфармацыі Міністэрства аховы здароўя з пачатку ўспышкі каранавіруса ў Беларусі пацвердзілі 1981 выпадак COVID-19. З іх у бальніцах знаходзяцца 1793 чалавек, 169 ачунялі, зарэгістравана 19 смерцяў. 72 пацыента знаходзяцца на апаратах ШВЛ.

Падзяліцца

Апошнія запісы

«Будзе капаць на галовы» — што гродзенцы думаюць пра новыя кветкавыя аркі на Савецкай

Гродзенцы не ацанілі новыя канструкцыі для кветак на Савецкай. У красавіку на пешаходнай вуліцы ўсталявалі…

24 красавіка 2025

Студэнта з Гродна будуць судзіць за паведамленні ў «Беларускі Гаюн»

Тры злачынствы за "экстрэмізм" распачалі супраць падлеткаў у Гродзенскай вобласці ў 2024 годзе. У тым…

24 красавіка 2025

Цэгла са слядамі пальцаў, найстарэйшая свідравіна Гродна і двор для мерапрыемстваў. Якім стане комплекс былога піўзавода Brovar Hrodna

«Такіх месцаў і ў свеце не так многа, а ў Беларусі нічога падобнага проста няма», —…

24 красавіка 2025

На могілках у Гродне з’явілася пліта расійскага салдата, які ваяваў супраць Украіны

Пліта Ведніка Леаніда Анатольевіча, які, верагодна, загінуў на вайне супраць Украіны, з'явілася ў калумбарыі на…

23 красавіка 2025

Як будзе выглядаць стогадовы дом у стылі канструктывізму на Міцкевіча пасля перабудовы: праект

Драўляны будынак у стылі канструктывізму 1930-х на Міцкевіча, 1 у Гродне перабудуюць у трохпавярховы гатэль…

23 красавіка 2025

У Гродне можна зрабіць здымак райка вока — паслуга падабаецца парам

Макраздымак райка (рус. - радужки) вока можна зрабіць у Гродне на вул. Будзённага. Закаханым прапануюць…

23 красавіка 2025