Навіны

Пішуць, што сажалку на Рэпіна засыпаюць. Каментуе дэпутат

Раніцай 1 красавіка адразу некалькі чытачоў звярнуліся ў рэдакцыю Hrodna.life з інфармацыяй пра тое, што сажалку на Рэпіна пачалі засыпаць. Хоць раней гарадскія службы абяцалі яе аднавіць. Сітуацыю пракаментавала дэпутатка акругі Алена Жалезняковіч.

У канцы лістапада 2019 гады пасля шматлікіх зваротаў і публікацый у СМІ гарадскія ўлады звярнулі ўвагу на праблему і пачалі работы па аднаўленні сажалкі па вуліцы Рэпіна. У старадаўнім вадаёме планавалі зрабіць гідраізаляцыю і запусціць зноўку ваду.

«У мінулым годзе абяцалі ратаваць возера, але засыпалі роўна з берагамі. За тры дні навезлі пяску. Нас падманулі. Такое пачуццё, што гэта ўсё будзе, як з «Алыми парусами««, — напісала чытачка Юлія.

фото группа в ВКонтакте “Очевидец Гродно”
фото группа в ВКонтакте “Очевидец Гродно”

Дэпутат: «Ніхто засыпаць сажалку не будзе»

Дэпутат акругі Алена Жалезняковіч адзначае, што пытанне аднаўлення сажалкі ў яе на кантролі.

«Ёсць рашэнне Гродзенскага выканкама па аднаўленні сажалкі на вуліцы Рэпіна. На сённяшні дзень прынята рашэнне, што сажалка будзе глыбінёй 1,5 м. Дно зараз умацоўваюць, у будучыні пакладуць гідраізаляцыйны матэрыял і запоўняць вадой. Цяпер возяць зямлю, каб засыпаць дно. Дзесьці падсыпалі па самы бераг для таго, каб заехала тэхніка. Без гэтага зрабіць нічога немагчыма. У планах нічога не памянялася. Ніхто засыпаць сажалку не будзе».

Сажалку выкарыстоўвалі для шпацыраў

Сажалка па вуліцы Рэпіна з’яўляецца адной з нямногіх у Кастрычніцкім раёне Гродна. Яна вядома яшчэ з часоў Рэчы Паспалітай. Гісторыю вадаёма часта распавядае жыхарам мікрараёна кіраўнік музея ў гімназіі № 4 Вольга Грамыка.

«Сажалкі вакол каралеўскай рэзідэнцыі „Аўгустовак“ мелі прыроднае паходжанне, але заўсёды былі акультураны. Вадаёмы пашыралі, паглыблялі або засыпалі, надаючы патрэбную форму, паводле неабходнасці і ў адпаведнасці з прызначэннем.

Адзіная захаваная сажалка на Рэпіна заўсёды мела не гаспадарчае прызначэнне, а шпацырнае. Яна заўсёды была абсаджаная дрэвамі, да яе вялі сцежкі. Мабыць, гэтая тэрыторыя, хоць і прыватная, ніколі не была закрытай, бо ў адной з Памятных кніжак Гродна гаворыцца, што „ў парк Аўгустова, што ў двух кіламетрах ад горада, любяць на выходныя выязджаць гродзенцы на пікнік, на прагулкі“.

Асабліва папулярным возера ў якасці месца адпачынку гараджан стала ў польскі міжваенны перыяд. І ў савецкія гады, і ў цяперашні час тут адпачываюць гараджане. Сёння гэты аб’ект важны не толькі як частка гісторыі, але і з пазіцыі экалагічнага балансу мікрараёна», — адзначыла Вольга Грамыка.

Сажалка на Рэпіна ў траўні 2019 года

Падзяліцца

Апошнія запісы

Сан-Ваўкавыска і Іўеандэлес. У Ваўкавыску камунальнікі апраўдаліся за абрэзку дрэваў у парку, але праблема не там

У Ваўкавыску паабразалі гарадскія дрэвы, а некаторыя і прыбралі зусім. Гарадская камунальная гаспадарка апраўдалася перад…

30 красавіка 2025

У гродзенскай сінагозе знеслі частку сцен — хочуць вярнуць гістарычны выгляд

У вялікай харальнай сінагозе ў Гродне знеслі ўнутраную перагародку паміж вестыбюлем і малельнай залай. На…

30 красавіка 2025

На кнігі «Наш Президент» у Гродне выдаткуюць $ 9000 бюджэтных грошай

На закупку кнігі "Наш Президент" у Гродне выдаткуюць 28 080 рублёў ($ 9190). Іх купяць…

30 красавіка 2025

Глебу ў Гродне правераць на заражанасць баршчэўнікам

На Румлёўскім праспекце ў Гродне ўзвядуць транспартную развязку. Грунт у раёне абследуюць на заражанасць насеннем…

29 красавіка 2025

На Ласасянцы з’явяцца масткі і пляж. Там будзе парк адпачынку на Фолюшы

У мікрараёне Фолюш у Гродне ўзвядуць парк адпачынку. Яго хочуць зрабіць камфортным для моладзі і…

29 красавіка 2025

У цэнтры Гродна закрылася крама спорттавараў, якая працавала больш за 30 гадоў

Гродзенцы звярнулі ўвагу, што з будынка па вуліцы Ажэшкі, 42 знікла шыльда «Спорттавары». Instagram-акаўнт крамы…

28 красавіка 2025