Мільён долараў супраць каранавірусу. ЗША выдзялілі Беларусі грошы на барацьбу з пандэміяй

Беларусь атрымае ад Злучаных Штатаў Амерыкі гуманітарную грашовую дапамогу ў памеры 1,3 млн долараў. Сродкі выдзелены для барацьбы супраць распаўсюду каранавіруснай інфекцыі, паведаміў 27 сакавіка сайт Дзярждэпартаменту ЗША.

У пастанове адзначана, што сродкі могуць быць выкарыстаны, у прыватнасці, для падрыўтоўкі лабараторнай сістэмы, актывізацыі пошукаў захварэўшых, на эпідэмічны надзор і кантроль сітуацыі, тэхнічную дапамогу экспертным арганізацыям, паляпшэнне інфармавання аб рызыках ды іншае.

«Мы мабілізуем усе неабходныя рэсурсы для хуткага рэагавання як унутры сваёй краіны, так і за яе межамі», — адзначаецца ў заяве Дзярждэпу. «Гэта новая дапамога [для Беларусі] - працяг інвестыцый Злучаных Штатаў, у ліку якіх 1,5 мільёна долараў на ахову здароўя і больш за 301 мільён долараў агулам за апошнія 20 гадоў».

Чытай яшчэ: «У нас іншая сістэма». У Міністэрстве аховы здароўя патлумачылі, чаму ў Беларусі лічбы па каранавірусе ніжэйшыя, чым у Еўропе

Адначасова з Беларуссю дапамогу ад ЗША атрымалі яшчэ больш за 60 краінаў. Агульная сума дапамогі склала каля 274 мільёнаў долараў.

Па дадзеным на 27 сакавіка ў Беларусі афіцыйна падцверджана 94 выпадкі COVID-19. У Гродне дыягназ падцверджаны у 3 пацыентаў.

Чытай яшчэ: Трэці выпадак каранавіруса пацверджаны ў Гродне

На раніцу 28 сакавіка у свеце выяўлена 600 тысяч заражаных. Колькасць смяротных выпадкаў праз каранавірус перавысіла 27 тысяч