Фота: lidanews.by
Філіял «Аўтобусны парк № 2 г. Ліда» працуе над укараненнем аўтаматызаванай сістэмы аплаты праезду, піша lidanews.by. Такая сістэма ўжо працуе ў Віцебску, Барысаве, Гомелі, Магілёве і Баранавічах. Hrodna.life высвятліў, калі такая сістэма з’явіцца ў Гродне.
Альтэрнатывай папяроваму квітку стане плацежны сэрвіс для мабільных прылад. У салоне аўтобусаў размесцяць QR-код, а пасажыр, адсканаваўшы яго, зможа аплаціць праезд. Для разлікаў спатрэбіцца толькі смартфон.
Кантралёр, зайшоўшы ў аўтобус, заблакуе сістэму, а факт аплаты будзе адсочваць аўтаматычна на сваёй мабільнай прыладзе альбо на тэлефоне пасажыра пасля сканавання ім QR-кода з карткі кандуктара.
Плануецца, што да мая новая сістэма будзе ўведзена на ўсіх гарадскіх маршрутах Ліды. Улады лічаць, што ўдасканаленне сістэмы аплаты дазволіць павысіць акупнасць перавозак у раёне. Да канца 2020 года ўзровень кампенсацыі насельніцтвам затрат на гарадскі аўтамабільны транспарт павінен скласці 90%. Зараз гэты паказчык — 70%. Астатняя частка субсідуецца аўтобуснаму парку з бюджэту, паведамляе прэс-служба Лідскага райвыканкама.
Спачатку сістэму «абкатаюць», а потым будзе ясна, ці варта яе ўкараняць у Гродне, распавялі Hrodna.life у прадпрыемстве «Аператар пасажырскіх перавозак». На прадпрыемстве расказалі, што ў Брэсце такі спосаб аплаты тэстуюць каля трох гадоў. Пакуль ім карыстаюцца максімум 10% пасажыраў. Так што эксперымент плануюць спыніць.
Складанасць і ў тым, што грошы ў выпадку аплаты праз дадатак ідуць праз банк і не адразу паступаюць на рахунак перавозчыка. А таму трэба аплачваць паліва, плаціць зарплату кіроўцам. Тым больш, насельніцтва старэе, не ўсе карыстаюцца смартфонамі, — многім звыклей талончыкі, кажуць пра свае апасенні на прадпрыемстве.
«Калісьці гэта будзе. Лепш пакуль не спяшацца, спачатку абкатаць, а потым ужо ўсё зрабіць», — кажуць у Гродне пра новую сістэму.
Завадчане працягваюць прыцягвацца па артыкуле 19.11 КаАП. Гэта нягледзячы на неаднаразовыя заклікі перагледзець свае сацыяльныя…
23 снежня ў Рэспубліканскі спіс экстрэмісцкіх матэрыялаў унеслі акаўнты ў Facebook і візуальны матэрыял гродзенцаў…
Сайт і сацсеткі сайта Grodno.in прызналі экстрэмісцкімі. Так вырашыў суд Ленінскага раёна Гродна 20 снежня.…
Новыя суддзі з'явіліся ў Гродне і вобласці па ўказе Лукашэнкі. Жыхара Навагрудка судзяць за атрыманне…
На пляцоўцы «Куфар» з'явілася аб'ява аб продажы гродзенскай кавярні «Чашки&ложки». Установа ўжо чатыры гады працуе…
Аб'явы аб здачы памяшканняў у арэнду з'явіліся ў Instagram-акаўнце royal.grodno і на “Куфары”. У аб'явах…