Фота: grodnonews.by
24 сакавіка з гродзенскай інфекцыйнай бальніцы выпісалі 17 пацыентаў. Гэта кантакты першага ўзроўню, якія паступілі ў стацыянар пасля лабараторнага пацверджання каранавіруса ў жанчыны, якая 9 сакавіка прыбыла з Італіі. Паўторныя тэсты на Covid-19 у іх паказалі адмоўныя вынікі. Заўтра плануюць выпісаць яшчэ некалькі чалавек, паведамляе grodnonews.by.
На сённяшні дзень у абласной інфекцыйнай бальніцы знаходзяцца 26 пацыентаў. Дваццаць пяць з іх прыбылі з краін з цяжкай эпідымічнай сітуацыяй і шпіталізаваныя з сімптомамі рэспіраторнай інфекцыі. Чацвёра з якіх — за апошнія суткі.
Ва ўсіх забраны матэрыял для даследавання на каранавірусную інфекцыю і іншыя вірусы, у тым ліку грып. Атрыманы першыя вынікі даследаванняў на каранавірус 21 чалавека — яны адмоўныя. Лекары чакаюць вынікаў даследавання паўторных мазкоў, якія ў якасці кантролю бяруцца на 13−14 суткі.
У ліку пацыентаў інфекцыйнай бальніцы застаецца гродзенка, у якой каранавірусная інфекцыя пацверджана лабараторна. Пацыентка з сімптомамі пнеўманіі была пераведзена ў рэанімацыйнае аддзяленне. Лекары кажуць, што рашэнне было прынята не ў сувязі з цяжарам стану, а з-за магчымых ускладненняў. У цэлым яе стан ацэньваецца спецыялістамі як стабільны са станоўчай дынамікай. Атрыманы паўторны адмоўны мазок на каранавірусную інфекцыю.
Месцаў у шпіталі хапае і для прыёму пацыентаў з сімптомамі каранавіруса, і для аказання спецыялізаванай дапамогі. Кажуць, сродкаў індывідуальнай абароны таксама хапае — спецыяльных абарончых касцюмаў, масак, рэспіратараў. Ёсць ўвесь спектр антыбактэрыйных і супрацьвірусных прэпаратаў, іншых лекаў, якія будуць выкарыстаныя пры лячэнні пацыентаў. Інвентарызацыя праводзіцца штодня, запас папаўняецца рэгулярна.
Гродзенцы звярнулі ўвагу, што з будынка па вуліцы Ажэшкі, 42 знікла шыльда «Спорттавары». Instagram-акаўнт крамы…
Іміджавы фільм аб інвестыцыйнай прывабнасці Гродна задумалі ў гарвыканкаме. На яго выдаткуюць бюджэтныя грошы. Відэа…
У Гродне пачалі прадаваць «крамбл кукіс» — амерыканскае печыва з рознымі дадаткамі і салодкімі топінгамі.…
Сацсеткі панк-гурта з Гродна Dzieciukі і сам гэты надпіс у Беларусі прызналі "экстрэмісцкімі матэрыяламі". Паводле фармулёўкі…
У Гродне на продаж выставілі дом на 2-м Падольным завулку - па суседстве з рэстаранам…
Міліцыя Грjдзенскай вобласці маніторыла Інтэрнэт і занепакоілася "нацызмам" сярод школьнікаў. Яны "зігуюць", слухаюць музыку Трэцяга…