Пякарня адкрыецца 14 сакавіка ў Гродна па адрасе вул. Калючынская, 21. Абяцаюць, што класічныя гатункі выпечкі будуць не нашмат даражэй за крамны кошт. Таксама можна скарыстацца паслугамі дастаўкі.
Сваімі перавагамі «Пякарня № 1» называе шырокі асартымент і хуткую рэакцыю на попыт, які змяняецца.
— Цалкам натуральна, што людзям надакучае купляць адзін і той жа хлеб з крамы. А мы гатовыя дадаваць новыя вырабы ледзь не штотыдзень, — пішуць ўладальнікі. — Мы можам падладжвацца пад пажаданні кліента — разнастаіць начынне і спосаб падрыхтоўкі. Скажам, не толькі выпякаць, але і смажыць.
Сямашка адкрывае свой новы «Палац» у цэнтры Гродна
Акрамя выпечкі, у асартыменце будзе марозіва джалата, якога яшчэ не было ў Гродне. Джалата — гэта італьянскі дэсерт з суцэльнага каровінага малака. У адрозненне ад звычайнага марозіва, у яго ў два разы менш тлушчаў, крэмавая больш шчыльная тэкстура, у складзе няма ні кроплі вады і больш высокая тэмпература падачы. У гонар адкрыцця ў пякарні зробяць розыгрыш: тры гродзенца атрымаюць па 1 кг джалата. Розыгрыш праходзіць тут — www.instagram.com/pekarnya1_grodno.
