Бязвіз і медыцына. Як літоўцаў будуць прыцягваць у Гродзенскую вобласць

На міжнароднай выставе Adventour-2020 у Вільні прадставяць магчымасці бязвізавага і медыцынскага турызму Гродзенскай вобласці, піша БЕЛТА.

Падчас выставы 24−26 студзеня пройдзе прэзентацыя «Гродзенская вобласць — тэрыторыя камфортнага турызму». Наведвальнікам прадставяць турыстычны патэнцыял рэгіёну і падрабязную інфармацыю пра магчымасці бязвізавага наведвання.

«Літоўскі рынак важны для нас, бо Літва — адзін з лідараў па колькасці турыстаў у рэгіёне. Напрыклад, з больш чым 122 тыс. бязвізавых турыстаў, якія наведалі Гродзенскую вобласць у 2019 годзе, звыш 83 тыс. былі гасцямі з Літвы», — распавялі ва ўпраўленні спорту і турызму. Акрамя таго, з лістапада 2019 года ўся тэрыторыя Гродзенскай вобласці стала даступнай для групавога наведвання без віз падчас руху па турыстычным маршруце. Да 15 сутак павялічаны і тэрмін знаходжання бязвізавых турыстаў.

«Гэта дало дадатковыя магчымасці для развіцця розных відаў турызму. На выставе рэгіён прадставяць 15 экспанентаў, у іх ліку ўстановы аховы здароўя рэгіёну, якія пазнаёмяць з патэнцыялам медыцынскага турызму. Гэты напрамак таксама набірае папулярнасць», — адзначылі ва ўпраўленні спорту і турызму.

Таксама аб Гродзеншчыне ў студзені-лютым раскажуць на тэматычных мерапрыемствах у Латвіі, Эстоніі і Польшчы.

Падзяліцца

Апошнія запісы

Школьнікі з Гродна трапілі пад прафілактыку за «зігаванне» і нацысцкую сімволіку

Міліцыя Грjдзенскай вобласці маніторыла Інтэрнэт і занепакоілася "нацызмам" сярод школьнікаў. Яны "зігуюць", слухаюць музыку Трэцяга…

25 красавіка 2025

У Гродне правялі беларуска-польскі форум для бізнесменаў. Гаварылі пра важнасць Расіі

Дыялогавая пляцоўка для бізнесменаў з Беларусі і Польшчы прайшла ў Гродне 25 красавіка. Мясцовыя ўлады…

25 красавіка 2025

«Будзе капаць на галовы» — што гродзенцы думаюць пра новыя кветкавыя аркі на Савецкай

Гродзенцы не ацанілі новыя канструкцыі для кветак на Савецкай. У красавіку на пешаходнай вуліцы ўсталявалі…

24 красавіка 2025

Студэнта з Гродна будуць судзіць за паведамленні ў «Беларускі Гаюн»

Тры злачынствы за "экстрэмізм" распачалі супраць падлеткаў у Гродзенскай вобласці ў 2024 годзе. У тым…

24 красавіка 2025

Цэгла са слядамі пальцаў, найстарэйшая свідравіна Гродна і двор для мерапрыемстваў. Якім стане комплекс былога піўзавода Brovar Hrodna

«Такіх месцаў і ў свеце не так многа, а ў Беларусі нічога падобнага проста няма», —…

24 красавіка 2025

На могілках у Гродне з’явілася пліта расійскага салдата, які ваяваў супраць Украіны

Пліта Ведніка Леаніда Анатольевіча, які, верагодна, загінуў на вайне супраць Украіны, з'явілася ў калумбарыі на…

23 красавіка 2025