Дзе акунуцца на вадохрышча ў Гродне і прыгарадзе?

У Гродне на Вадохрышча купель традыцыйна абсталююць на возеры Юбілейным, у прыгарадзе вызначаны два месцы, паведамляе rgazeta.by.

Каля спецыяльна абсталяваных месцаў будуць дзяжурыць медработнікі, выратавальнікі, праваахоўнікі, валанцёры. 19 студзеня на Юбілейным афіцыйна вызначана час для вадохрышчанскіх купанняў - з 13.00 да 15.00. Наведвальнікаў будуць частаваць салдацкай кашай, гарачай гарбатай, усталююць палатку для пераапранання. Работнікі выратавальнай станцыі будуць несці ўзмоцненае дзяжурства і пасля ўстаноўленага часу. Як паказвае практыка, жадаючыя ідуць на возера да поўначы. Нецвярозых не пусцяць. За гэтым строга сочаць.

— У сувязі з тым, што лёду няма, на возеры будуць пастаўлены пантоны наплаўныя, загараджальная сетка для таго, каб не сысці на глыбіню, — кажа начальнік вадалазна-выратавальнай службы Гродзенскай абласной арганізацыі АВВОД Юрый Касцевіч. — Па вобласці купелі абсталююць паблізу выратавальных станцый.

Куды паехаць у раён?

У Гродзенскім РАУС назвалі месцы, дзе вернікі могуць акунуцца ў купель ў прыгарадзе абласнога цэнтра. Адно з іх — сажалкі вёскі Забагонікі Верцялішкаўскі сельсавета. 19 студзеня пачатак у 13.00. Як паказвае практыка, звычайна тут збіраецца нямала тых, хто хоча акунуцца ў асвячоную ваду. Купальшчыкаў СВК «Прагрэс-Верцялішкі» будзе частаваць салдацкай кашай, гарачай гарбатай, духмянымі пірагамі. Напярэдадні, 18 студзеня, акунуцца ў купель можна на возеры Танкавым у Гожы. Усіх жадаючых запрашаюць да 20.00.

Кожны вернік, які вырашыць здзейсніць вадохрышчанскі абрад абмывання, павінен памятаць: купанне варта праводзіць з захаваннем правіл бяспекі, нагадваюць у Гродзенскім РАНС.

Правілы купання

— Знаходзіцца ў вадзе варта не больш за хвіліну. Пасля купання варта расцерці цела махровым ручніком і надзець сухую вопратку. Пры акунанні не варта залазіць пад ваду з галавой — сасуды галаўнога мозгу наўрад ці гатовыя да такога шоку. Пры ўваходзе першы раз старайцеся хутка дасягнуць патрэбнай вам глыбіні, але не плавайце, — рэкамендуе інспектар сектара прапаганды і ўзаемадзеяння з грамадскасцю РАНС Маргарыта Дакучаева. — Купанне дзяцей павінна праходзіць толькі пад наглядам бацькоў ці дарослых. Заходзіць за спецыяльныя агароджы, прыводзіць з сабой жывёл забаронена.

Медыкі таксама раяць грамадзянам сур’ёзна паставіцца да зімовых купанняў, асабліва калі гаворка ідзе пра дзяцей. Для непадрыхтаванага арганізма гэта можа стаць шокам. Самае галоўнае — не ўжываць спіртное. Апошні прыём ежы — за паўтары-дзве гадзіны да акунання — павінен быць каларыйным.

Традыцыйных калядных маразоў не чакаецца, прагназуюць сіноптыкі. 19 студзеня раніцай і днём па вобласці пройдуць невялікія кароткачасовыя ападкі (мокры снег, дождж). Тэмпература паветра ўначы складзе -3…+ 2 градусы, удзень — ад 0 да +5 градусаў.

Падзяліцца

Апошнія запісы

«Будзе капаць на галовы» — што гродзенцы думаюць пра новыя кветкавыя аркі на Савецкай

Гродзенцы не ацанілі новыя канструкцыі для кветак на Савецкай. У красавіку на пешаходнай вуліцы ўсталявалі…

24 красавіка 2025

Студэнта з Гродна будуць судзіць за паведамленні ў «Беларускі Гаюн»

Тры злачынствы за "экстрэмізм" распачалі супраць падлеткаў у Гродзенскай вобласці ў 2024 годзе. У тым…

24 красавіка 2025

Цэгла са слядамі пальцаў, найстарэйшая свідравіна Гродна і двор для мерапрыемстваў. Якім стане комплекс былога піўзавода Brovar Hrodna

«Такіх месцаў і ў свеце не так многа, а ў Беларусі нічога падобнага проста няма», —…

24 красавіка 2025

На могілках у Гродне з’явілася пліта расійскага салдата, які ваяваў супраць Украіны

Пліта Ведніка Леаніда Анатольевіча, які, верагодна, загінуў на вайне супраць Украіны, з'явілася ў калумбарыі на…

23 красавіка 2025

Як будзе выглядаць стогадовы дом у стылі канструктывізму на Міцкевіча пасля перабудовы: праект

Драўляны будынак у стылі канструктывізму 1930-х на Міцкевіча, 1 у Гродне перабудуюць у трохпавярховы гатэль…

23 красавіка 2025

У Гродне можна зрабіць здымак райка вока — паслуга падабаецца парам

Макраздымак райка (рус. - радужки) вока можна зрабіць у Гродне на вул. Будзённага. Закаханым прапануюць…

23 красавіка 2025