«Папсы дакладна не будзе». На Маставой у падвалах адкрылася Dj Cafe

У будынку былой пальчаткавай фабрыкі на Маставой, 31 з сярэдзіны студзеня пачало працу Dj Cafe. Уладальнікі абяцаюць новы для Гродна фармат.

Dj Cafe пазіцыянуе сябе ўвечары як дыска-бар і кактэйльны бар з пляцоўкай для дыджэяў і танцаў. Днём гэта будзе творчая пляцоўка, дзе можна праводзіць фотасесіі і розныя культурныя мерапрыемствы.

«Вырашылі запусціць гэты праект, таму што сутыкнуліся з праблемай: мне і таварышам няма дзе рэалізоўваць свае творчыя пачынанні, — распавядае адзін з заснавальнікаў Аляксандр Цывінскі (вядомы як DJ Botanik). — Гаворка пра творчасць у шырокім сэнсе слова, бо клубны прамоўшэн выходзіць за рамкі дыджэйства. Наша ўстанова — гэта новая прапанова гродзенскаму рынку адпачынку і забаваў. Праект будзе адрознівацца ад усіх астатніх у горадзе».

Кафэ займае падвальнае памяшканне з чатырох пакояў агульным памерам 200 квадратаў у будынку былой пальчаткавай фабрыкі. Гэта прамысловы будынак канца 19 стагоддзя.

«Калі да нас спускаешся, можна ўбачыць скляпенні, аркі і веліч старых гарадскіх падвалаў. Мы пастараліся зрабіць камфортную ўстанову з даступнымі коштамі. Музыка будзе гучаць розная: мы хочам адрознівацца ад іншых устаноў. Такой махрыстай папсы, якая ў нас у Гродне стала мэйнстрымам, дакладна не будзе. Гродна заўсёды быў у авангардзе розных культур і рухаў. Успамінаючы 1970−80-я — увесь рок з Захаду ішоў на Усход менавіта праз нас. А цяпер неяк наадварот. Таму прыйшоў час вярнуць былую веліч», — дадаў Аляксандр.

У Dj Cafe ў бліжэйшы час плануецца шэраг вечарынак. Бліжэйшая з іх — 16 студзеня ў 21:00. Уваход вольны.

Час працы:

ПН-ПТ — 18:00 — 02:00
ПТ-СБ — 18:00 — 05:00

Падзяліцца

Апошнія запісы

У Гродне правялі беларуска-польскі форум для бізнесменаў. Гаварылі пра важнасць Расіі

Дыялогавая пляцоўка для бізнесменаў з Беларусі і Польшчы прайшла ў Гродне 25 красавіка. Мясцовыя ўлады…

25 красавіка 2025

«Будзе капаць на галовы» — што гродзенцы думаюць пра новыя кветкавыя аркі на Савецкай

Гродзенцы не ацанілі новыя канструкцыі для кветак на Савецкай. У красавіку на пешаходнай вуліцы ўсталявалі…

24 красавіка 2025

Студэнта з Гродна будуць судзіць за паведамленні ў «Беларускі Гаюн»

Тры злачынствы за "экстрэмізм" распачалі супраць падлеткаў у Гродзенскай вобласці ў 2024 годзе. У тым…

24 красавіка 2025

Цэгла са слядамі пальцаў, найстарэйшая свідравіна Гродна і двор для мерапрыемстваў. Якім стане комплекс былога піўзавода Brovar Hrodna

«Такіх месцаў і ў свеце не так многа, а ў Беларусі нічога падобнага проста няма», —…

24 красавіка 2025

На могілках у Гродне з’явілася пліта расійскага салдата, які ваяваў супраць Украіны

Пліта Ведніка Леаніда Анатольевіча, які, верагодна, загінуў на вайне супраць Украіны, з'явілася ў калумбарыі на…

23 красавіка 2025

Як будзе выглядаць стогадовы дом у стылі канструктывізму на Міцкевіча пасля перабудовы: праект

Драўляны будынак у стылі канструктывізму 1930-х на Міцкевіча, 1 у Гродне перабудуюць у трохпавярховы гатэль…

23 красавіка 2025