Двое сабутэльнікаў ў Лідскім раёне забілі жанчыну і раздзялілі цела. Пра гэта паведамілі на сумесным брыфінгу міліцыі, следчых і экспертаў у УУС Гродзенскага аблвыканкама, перадае карэспандэнт БЕЛТА.
Жыхар вёскі Тарнова 3 студзеня распавёў участковаму, што некалькі тыдняў таму знікла яго сужыцелька, 1978 года нараджэння. «Участковы стаў апытваць людзей, высвятляў, хто мог бачыць жанчыну ў апошні раз. З’явілася інфармацыя, што яна магла быць ахвярай злачынства», — расказаў першы намеснік начальніка УУС Гродзенскага аблвыканкама Аляксандр Шастайло. Жыхар аднаго з аддаленых дамоў вёскі падчас візіту ўчастковага прызнаўся, што ён сам разам з сабутэльнікам здзейсніў забойства.
У канцы снежня падазраваныя разам з жанчынай распівалі спіртное на хутары. Падчас канфлікту, паводле папярэдняй версіі, жанчыну задушылі. Падазраваныя вынеслі цела на вуліцу, пазней яго раздзялілі. Часткі цела, а таксама сваю вопратку і вопратку ахвяры мужчыны спалілі. Кінулі ў агонь і сякеру, якой раздзялялі труп. Цела ў мяшку закапалі ў меліярацыйным канале ў некалькіх кіламетрах ад хаты.
Цела на месцы адразу выявіць не ўдалося. Ды і другі падазраваны адмаўляў сваё дачыненне да злачынства, таму не выключалася версія аб самаагаворы. Намеснік начальніка УСК па Гродзенскай вобласці Віктар Леган распавёў, што месцы здарэння аглядаліся на працягу некалькіх сутак. Агульны час агляду перавысіў 30 гадзін, працаваць прыходзілася ў складаных умовах надвор’я. Цела на глыбіні каля 1 метра ў мерзлай зямлі ў канаве было выяўлена толькі пры выкарыстанні экскаватара.
Крымінальная справа ўзбуджаная па ч. 2 арт. 139 КК (забойства, здзейсненае групай асоб). Падазраваныя затрыманыя. Адзін з іх — 1983 года нараджэння — ужо меў праблемы з законам, станавіўся фігурантам крымінальных спраў за разбой і прычыненне цяжкіх цялесных пашкоджанняў. Другі - 1971 года нараджэння — раней судзімы не быў.
Расследаванне крымінальнай справы працягваецца. Намеснік начальніка ўпраўлення ГКСЭ па Гродзенскай вобласці Дзмітрый Грыневіч расказаў, што прызначаныя больш за 20 экспертыз, некаторыя адносяцца да катэгорыі комплексных. Высновы экспертыз дазволяць усталяваць абставіны здзяйснення злачынства.
Новы сувенір у выглядзе "раскладанкі" са знакавымі аб'ектамі Гродна ствараюць улады. Яго выканаюць у выглядзе…
Трохпакаёвая кватэра знаходзіцца на вуліцы Савецкіх пагранічнікаў. Сцены ў ёй абвешаныя рэпрадукцыямі, дзвярныя праёмы выкананы…
Спецыяльнае праграмнае забеспячэнне для сачэння за актыўнасцю ў камп'ютарах закупляе Гродзенскае агенцтва па дзяржаўнай рэгістрацыі…
У Гродне рэканструююць тэрыторыю, прылеглую да вадаёма па вул. Рэпіна. Там жа ўладкуюць дзіцячую інклюзіўную…
У Гродне адкрылася выстава, прысвечаная мясцоваму ўраджэнцу мастаку Льву Баксту. Экспазіцыю размясцілі ў харальнай сінагозе,…
Маршрут праз усю Беларусь запусціла гродзенская фірма "Пазітыў-тур". Шлях з Гродна ў Віцебск складзе амаль…