Як будзе мяняцца Гродна бліжэйшыя дзесяць гадоў?

Новая рэдакцыя генплана Гродна да 2030 года чакае зацвярджэння прэзідэнта пасля грамадскіх абмеркаванняў, узгадненняў і экспертыз. Згодна з праектам, у першую чаргу Гродна будзе расці ў напрамку мікрараёнаў Грандзічы і Альшанка, паведамляе grodnoplustv.by.

Перамены чакаюцца і ў іншых частках горада. Гэта датычыцца і ўшчыльнення асобных раёнаў, і добраўпарадкавання тэрыторый. Адной з першых рыхтуецца да забудовы Панямунь. У перспектыве тут вырасце раён шматпавярховых дамоў з добрай інфраструктурай. У бліжэйшыя гады ў Гродне плануюць забудаваць і пустку ўздоўж вуліцы Дубко. Насупраць OldCity з’явіцца новы жылы комплекс. Забудова з’явіцца і на месцы пусткі каля крамы «Фиялка».

Навасёлаў будуць сустракаць і ў мікрараёне Фолюш. Адна частка тэрыторыі тут адведзена пад будаўніцтва жылля. Іншая, прылеглая да берагавой лініі ракі Ласасянка, застанецца рэкрэацыйнай, што дасць магчымасць забяспечыць раён зялёнай зонай. Грамадскае абмеркаванне па дадзенай падставе пройдзе ў канцы красавіка.

Што да асноўнага напрамку тэрытарыяльнага развіцця ў бліжэйшыя гады Гродна — гэта асваенне паўночнага раёна Грандзічы. Першыя дамы тут пачалі ўзводзіць у жніўні 2018 года. Зараз актыўна забудоўваецца раён Грандзічы-2, пачаліся будаўнічыя працы на раёне жылой забудовы Грандзічы-3, праектуюцца Грандзічы-1 і Грандзічы-4.

Забудова паўднёвай часткі горада чакаецца праз пяць гадоў. Паводле новага Генеральнага плана горада Гродна, у бліжэйшыя гады ў раёнах сядзібнай забудовы Баранавічы, Забалаць і Пагараны-Кашэўнікі будзе актыўна весціся як шматкватэрная, так і аграсядзібная забудова.

Падзяліцца

Апошнія запісы

У Гродне падаражэў праезд у гарадскім транспарце — і на прыгарадных маршрутах

З 5 красавіка ў Гродне талоны на праезд у гарадскім грамадскім транспарце даражэюць на 10…

4 красавіка 2025

«Інтэр'еры з Pinterest» і «цэны як у Венецыі». У Гродне адкрылі буцік-гатэль The Cult на месцы знесенага гістарычнага будынка

У Гродне на Віленскай, 37 адкрыўся новы буцік-гатэль і рэстаран The Cult - і выклікаў…

2 красавіка 2025

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025