Самому маладому бацьку 18 гадоў, маме — 17. ЗАГС падвёў вынікі года

У аддзеле загс Гродзенскага райвыканкама падвялі вынікі 2019 года. Нямала дзяўчат вырашылі скасаваць шлюб да 31 года. Асноўная колькасць разводаў прыпадае на ўзрост 45−50 гадоў. Праўда, некаторыя, як мужчыны, так і жанчыны, вырашаюцца на такі крок у пенсійным узросце. Самай маладой жонцы, якая рашыла скасаваць шлюб, быў 21 год, жонку — 22. Па заканадаўстве развесціся можна праз месяц пасля заключэння шлюбу. Некаторыя не вытрымліваюць і гэты тэрмін, паведамляе rgazeta.by.

— У лістападзе маладыя распісаліся, выглядалі шчаслівымі, а ўжо ў пачатку снежня жонка пацікавілася, як хутчэй развесціся, — успамінае Людміла Башкевіч. — Былі такія саюзы, якія распаліся праз паўгода.

Жанчыны Гродзенскага раёна часцей за ўсё выходзілі замуж у 24−25 гадоў, мужчыны ажаніліся ў 26−29.

Непаўналетніх жаніхоў ў мінулым годзе не было, а вось сярод нявест пяць дзяўчат вырашылі пайсці пад вянец да свайго паўналецця. Не супраць звязаць сябе вузамі шлюбу і пенсіянеры. Што цікава, жанчыны часцей выходзяць замуж у пенсійным узросце. У большасці выпадкаў за мужчын, якія маладзейшыя за іх на пару гадоў. Прадстаўніцы прыгожага полу часцей, чым мужчыны, вырашаюцца на паўторны шлюб пасля няўдалага першага. Больш было жаніхоў-замежнікаў. Сярод іх грамадзяне Расіі, Украіны, Польшчы.

Упершыню за тры гады хлопчыкаў нарадзілася больш, чым дзяўчынак — 188 і 166 адпаведна. Многія бацькі не абмежаваліся двума дзецьмі. У мінулым годзе, напрыклад, у 67 сем’ях нарадзілася трэцяе дзіця, у 23 — чацвёртае, у 8 — пятае, у 6 — шостае.

Жанчыны часцей нараджалі ва ўзросце 20−30 гадоў, мужчыны станавіліся бацькамі - ад 25 да 35 гадоў. Самому маладому бацьку было 18 гадоў, маме — 17. Некалькі мужчын сталі бацькамі ва ўзросце «50+». Самай сталай маме было 45. Нашы жанчыны сталі часцей нараджаць ад мужчын-іншаземцаў. Сярод пап — грамадзяне Азербайджана, Літвы, Арменіі, Казахстана, Малдовы, Польшчы, Расіі, Украіны і Марока.

Жанчыны жывуць даўжэй за мужчын. Сярэдняя працягласць жыцця дам склала 79 гадоў, прадстаўнікоў супрацьлеглага полу — 69 гадоў. У мінулым годзе ў раёне зарэгістравана 478 смерцяў, 426 чалавек пайшлі з жыцця ў пенсійным узросце, 78 — у працаздольным, у тым ліку 22 — у выніку няшчаснага выпадку. Смяротнасць па-ранейшаму перавышае нараджальнасць.

Падзяліцца

Апошнія запісы

У Гродне падаражэў праезд у гарадскім транспарце — і на прыгарадных маршрутах

З 5 красавіка ў Гродне талоны на праезд у гарадскім грамадскім транспарце даражэюць на 10…

4 красавіка 2025

«Інтэр'еры з Pinterest» і «цэны як у Венецыі». У Гродне адкрылі буцік-гатэль The Cult на месцы знесенага гістарычнага будынка

У Гродне на Віленскай, 37 адкрыўся новы буцік-гатэль і рэстаран The Cult - і выклікаў…

2 красавіка 2025

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025