Навіны

Гродзенскі перавозчык какаіну аб непальскай турме: «Ёсць інтэрнэт, умовы добрыя»

29 снежня адбыўся другі суд над беларусамі Паўлам Васільевым і Алінай Алдошынай, якіх затрымалі ў аэрапорце Катманду з наркотыкамі, паведамляе kp.by.

Зараз маладыя людзі знаходзяцца ў СІЗА ў Непале. Нагадаем, 21-гадовых гродзенцаў, якія збіраліся ляцець з Катманду ў Ганконг, затрымалі 21 снежня. У іх багажы знайшлі 6 кілаграмаў какаіну, пакеты былі зашыты ў зімовыя курткі. Беларусы настойваюць, што яны не ведалі пра какаін і пагадзіліся правесці рэчы, думаючы, што ўнутры медыцынскія прэпараты.

Заказчыкамі выступалі двое мужчын з Балівіі - яны таксама затрыманыя.

— Мы ведалі толькі тое, што перавозім па чатыры курткі з медыцынскімі прэпаратам, — распавёў «Камсамолцы» Павел.

— Навошта вы ўзяліся за гэтую працу?

— Я проста хацеў купіць добры ноўтбук для навучання праграмавання. У Гродне да гэтага працаваў у піцэрыі.

Разам з беларусамі затрымалі двух мужчын з Балівіі. Фота: ncb.nepalpolice.gov.np

Павел распавёў, што 29 снежня адбыўся другі суд. Трэці будзе праз 10 дзён. Казаць пра якія-небудзь вынікі пакуль вельмі рана: па словах гродзенца, сітуацыя праясніцца праз 2,5 месяца.

Павел і Аліна ўтрымліваюцца ў розных пакоях.

— З 4 дні да 11 раніцы мы знаходзімся ў СІЗА. Асаблівых забаронаў няма: ёсць ложкі, інтэрнэт, ежа. Умовы добрыя. Астатні час праводзім у бюро па кантролі наркотыкаў у Катманду (Narcotic Control Bureau), — распавядае Павел.

У рабят ёсць перакладчык. Аліна Алдошына таксама паведаміла «Камсамолцы», што 2 студзеня вылятае ў Катманду яе бацька — першы намеснік начальніка АУС і начальнік крымінальнай міліцыі адміністрацыі Ленінскага раёна Гродна Аляксей Алдошын.

З беларускім консулам затрыманыя яшчэ не бачыліся, хутчэй за ўсё, гэта адбудзецца ў бліжэйшыя дні. Дзяўчына настроена аптымістычна, але з журналістамі камунікуе не вельмі ахвотна.

— Хтосьці піша, што нам дадуць 25 гадоў, хтосьці, што пажыццёвае. Такое трызненне! Хтосьці піша, што мы працавалі кур’ерамі на пастаяннай аснове, хоць мы не былі ў курсе, што мы вязем, — сказала Аліна.

Падзяліцца

Апошнія запісы

«Будзе капаць на галовы» — што гродзенцы думаюць пра новыя кветкавыя аркі на Савецкай

Гродзенцы не ацанілі новыя канструкцыі для кветак на Савецкай. У красавіку на пешаходнай вуліцы ўсталявалі…

24 красавіка 2025

Студэнта з Гродна будуць судзіць за паведамленні ў «Беларускі Гаюн»

Тры злачынствы за "экстрэмізм" распачалі супраць падлеткаў у Гродзенскай вобласці ў 2024 годзе. У тым…

24 красавіка 2025

Цэгла са слядамі пальцаў, найстарэйшая свідравіна Гродна і двор для мерапрыемстваў. Якім стане комплекс былога піўзавода Brovar Hrodna

«Такіх месцаў і ў свеце не так многа, а ў Беларусі нічога падобнага проста няма», —…

24 красавіка 2025

На могілках у Гродне з’явілася пліта расійскага салдата, які ваяваў супраць Украіны

Пліта Ведніка Леаніда Анатольевіча, які, верагодна, загінуў на вайне супраць Украіны, з'явілася ў калумбарыі на…

23 красавіка 2025

Як будзе выглядаць стогадовы дом у стылі канструктывізму на Міцкевіча пасля перабудовы: праект

Драўляны будынак у стылі канструктывізму 1930-х на Міцкевіча, 1 у Гродне перабудуюць у трохпавярховы гатэль…

23 красавіка 2025

У Гродне можна зрабіць здымак райка вока — паслуга падабаецца парам

Макраздымак райка (рус. - радужки) вока можна зрабіць у Гродне на вул. Будзённага. Закаханым прапануюць…

23 красавіка 2025