Добрая традыцыя вярнулася ў Гродна. Перад Новым годам сотні аўтамабілістаў са сваімі сем’ямі сабраліся разам на вялікай пляцоўцы, каб са сваіх машын і ліхтарыкаў пабудаваць маштабнае пасланне. Пасля пабудовы карты Беларусі, было вырашана працягнуць падкрэсліваць нацыянальны каларыт беларусаў. І яны звярнуліся да родных сiмвалаў, піша Autogrodno.by.
Падрыхтоўка да мерапрыемства вялася каля месяца. За гэты час была створана камп’ютарная мадэль і прадуманы сцэнарый уключэння святла. Бо менавіта гульня святла ўзбагачае вобразы, створаныя з аўтамабіляў.
У дзень мерапрыемства, 27 снежня, у Гродна рэзка пахаладнела, а за гадзіну да агульнай сустрэчы пачалася завіруха са снегам. Нягледзячы на непагадзь, гродзенцы ўсё роўна прыехалі. Каб удзельнікі акцыі не мерзлі, арганізатары раздавалі бясплатную каву.
Праца доўжылася тры гадзіны. А затым квадракоптар падняўся ў неба!
- Чаму зубр і васілёк?
— З пакалення ў пакаленне перадаюцца сімвалы беларускай зямлі - зубр і васiлёк. Зубр адрозніваецца мудрасцю, спакоем і справядлівасцю. Ён ніколі не нападае першым. А васiлёк служыць увасабленнем культуры і прыгажосці. І гэтая кветка толькі на першы погляд простая. На самой справе, ніхто адразу і не скажа, колькі пялёсткаў у васiлька. У гэтых сімвалах прысутнiчае кожны з нас — кожны з беларусаў!
- Колькі людзей сабралася на акцыю?
— Каля 160 гродзенскіх аўтааматараў з сябрамі і сем’ямі вырашылі павіншаваць Беларусь з Новым годам. Мы дружна выстраілiся ў родныя сімвалы, звярнуўшыся да ўсяго народу: мы разам — і гэтым мы моцныя. З Новым 2020-м годам!
У Гродне прызначылі новага камандуючага Заходнім аператыўным камандаваннем. Ім стаў генерал Вадзім Сураў, які раней…
Стваральнікі новай арт-калекцыі Mark Fomelle "Магія выцінанкі" натхняліся народнымі матывамі і выцінанкамі. У новую капсулу…
Вуліца ў гонар пісьменніцы і паэткі Лідзіі Ялоўчык у бліжэйшы час у Гродне не з’явіцца.…
Бескантактны міні-гатэль і рэстаран са стравамі з дзічыны адкрыюцца ў воданапорнай вежы ў Мастах. Побач…
Паветра ў Гродзенскай вобласці магло быць забруджана радыёактыўнымі элементамі, якія выдзяляліся падчас пажараў у Чарнобыльскай…
Гродзенскага журналіста Андрэя Мялешку ўначы 16 верасня дэпартавалі з Грузіі па вяртанні ў краіну з…