23 снежня Мікалая Саляніка прысудзілі ў судзе Кастрычніцкага раёна да штрафа ў 45 базавых (1147, 5 рублёў). Яго судзілі па двум правапарушэнням па арт.23.34 КоАП РБ: за публічны заклік да несанкцыянаванага масавага мерапрыемства і непасрэдны ўдзел у несанкцыянаваным мерапрыемстве. За заклік ён атрымаў 23 базавых, і за ўдзел — 22.
Падтрымаць актывіста прыйшлі каля 15 чалавек — журналісты, праваабаронцы, актывісты. Саляніка судзіла суддзя Алена Тоўсцік-Самойлава. Сведкамі былі супрацоўнікі РАУС, якія здымалі акцыю на відэа — Шутовіч, Кейзер і Пруднікаў. Яны расказалі, як і калі ўбачылі допіс Саляніка ў фэйсбуку і пацвердзілі, што ён прысутнічаў на акцыі. Суддзя звярнула ўвагу, што Мікалай мае другую групу інваліднасці.
Перад пачаткам паседжання актывіст папрасіў пра адвод суддзі.
— Суд прызначаны Указам прэзідэнта, які не мае паўнамоцтваў. Мы яго не выбіралі і ён не мае паўнамоцтваў. Я вам не давяраю, — заявіў Салянік.
Суддзя ў адводзе адмовіла.
Судзя зачытала два складзеныя пратаколы. У першым сказана, што Мікалай Салянік у фэйсбуку заклікаў людзей выйсці на акцыю. У другім — што ён 15 снежня ў 14.50 прыняў удзел у несанкцыянаваным мерапрыемстве, публічна выяўляючы свае меркаванне наконт грамадска-палітычнага жыцця па пытанню інтэграцыі Беларусі і Расіі. Узгадалі і пра бел-чырвона-белы сцяг, які быў на Саляніку.
Салянік прызнаў, што ён заклікаў людзей збірацца на акцыю і ўдзельнічаў у мерапрыемстве. Але ён кажа, што не бачыць у гэтым правапарушэнняў. Мікалай спасылаўся на артыкулы Канстытуцыі РБ, якія гарантуюць незалежнасць краіны. Ён сказаў, што не пытаў дазвол на правядзенне акцыі ў гарвыканкаме, бо быў упэўнены, што яго не дадуць. Сярод іншага Мікалай сказаў, што хацеў такім чынам падтрымаць прэзідэнта ў перамовах.
У знак пратэста супраць прысуду актывіст парваў Канстытуцыю ў зале суда. Ці будзе ён абскарджваць рашэнне суда, Мікалай пакуль не ведае.
www.facebook.com/100 023 292 443 884/videos/572 775 920 175 484/
Мікалая Саляніка дапыталі 21 снежня ў 10.10. Да гэтага пад яго пад’ездам два дні дзяжурылі супрацоўнікі РАУС. Такім жа чынам 20 снежня затрымалі і асудзілі Вадзіма Саранчукова, Сяргея Верамеенку, Ежы Грыгенчу і Уладзіміра Арцымана.
Новы сувенір у выглядзе "раскладанкі" са знакавымі аб'ектамі Гродна ствараюць улады. Яго выканаюць у выглядзе…
Некалькі сотняў Дзядоў Марозаў, Снягурак, сабачак, вавёрачак і разнастайных іншых персанажаў 20 снежня прайшлі ад…
Трохпакаёвая кватэра знаходзіцца на вуліцы Савецкіх Пагранічнікаў. Сцены ў ёй абвешаныя рэпрадукцыямі, дзвярныя праёмы выкананы…
Спецыяльнае праграмнае забеспячэнне для сачэння за актыўнасцю ў камп'ютарах закупляе Гродзенскае агенцтва па дзяржаўнай рэгістрацыі…
У Гродне рэканструююць тэрыторыю, прылеглую да вадаёма па вул. Рэпіна. Там жа ўладкуюць дзіцячую інклюзіўную…
У Гродне адкрылася выстава, прысвечаная мясцоваму ўраджэнцу мастаку Льву Баксту. Экспазіцыю размясцілі ў харальнай сінагозе,…