З лютага 2020 года грамадзяне Беларусі пры падачы заявы на атрыманне шэнгенскай візы ўсё ж такі павінны будуць плаціць пошліну за шэнгенскую візу ў памеры 80 еўра замест 60 еўра, як гэта было да гэтага часу. Дзецям таксама прыйдзецца заплаціць 40 еўра замест 35, як цяпер. Пра гэта Тэлеграфу паведамілі ў SchengenVisaInfo.com.
У арганізацыі адзначылі, што нягледзячы на тое, што перамовы паміж Беларуссю і ЕС аб спрашчэнні візавага рэжыму яшчэ працягваюцца, «больш верагодна, што да Беларусі будуць ставіцца гэтак жа, як і да іншых краін, пакуль цалкам не ўступіць у сілу пагадненне аб спрашчэнні візавага рэжыму».
Беларусы сутыкнуцца з некаторымі зменамі ў парадку падачы заяў на атрыманне візы, правілаў і льгот, пачынаючы з 2 лютага 2020 года. Звязана гэта з укараненнем абноўленага Шэнгенскага візавага кодэкса, прынятага Саветам ЕС у чэрвені 2019 года. З прычыны гэтага ўсе прадстаўніцтвы краін Шэнгенскай зоны, якія знаходзяцца за мяжой, абавязаны ўжываць новыя правілы, у тым ліку ў Беларусі.
Новыя правілы таксама дазваляюць беларусам падаваць заяўку за шэсць месяцаў да паездкі, а не за тры, як цяпер, і прадугледжваюць узгоднены падыход да выдачы шматразовых віз з больш доўгім тэрмінам дзеяння для рэгулярных падарожнікаў са станоўчай візавай гісторыяй.
Паводле інфармацыі SchengenVisaInfo.com, дзяржавы-члены, якія не прадстаўлены ў Беларусі ў візавых пытаннях, цяпер будуць абавязаны супрацоўнічаць з вонкавымі пастаўшчыкамі паслуг, каб палегчыць падачу віз для падарожнікаў. Знешнія пастаўшчыкі паслуг змогуць спаганяць плату за абслугоўванне, якая не можа быць вышэйшай, чым плата за візу. Гэта азначае, што беларусы, якія звяртаюцца да знешняга пастаўшчыка візавых паслуг, могуць заплаціць да 160 еўра за адну візу.
Акрамя таго, абноўлены Візавы кодэкс уводзіць механізм, які ацэньвае, ці павінны візавыя зборы мяняцца кожныя тры гады. Будзе ўведзены яшчэ адзін механізм, які выкарыстоўвае візавае пытанне ў якасці рычага, каб палепшыць супрацоўніцтва з трэцімі краінамі ў пытаннях рэадмісіі.
Згодна з Гентам Укхайдарам з SchengenVisaInfo.com, дзякуючы гэтаму механізму зборы могуць павялічыцца нават да 160 еўра, калі ўлады ЕС палічаць гэта неабходным.
«Візавы збор у памеры 120 або 160 еўра будзе прымяняцца да трэціх краін, якія не супрацоўнічаюць з ЕС, у тых выпадках, калі Камісія ЕС лічыць, што неабходна прыняць меры для павышэння ўзроўню супрацоўніцтва адпаведнай трэцяй краіны і агульных адносінаў Саюза з гэтай трэцяй краінай», — тлумачыць Укхайдарай, дадаючы, што гэта палажэнне не распаўсюджваецца на дзяцей ва ўзросце да 12 гадоў.
Механізм таксама можа скараціць тэрмін дзеяння візы і ўвесці больш працяглыя тэрміны апрацоўкі віз.
Статыстыка SchengenVisaInfo.com паказвае, што у 2018 годзе ў амбасадах і консульствах краін Шэнгенскай зоны ў Беларусі было апрацавана 681 106 заяваў на атрыманне візы. З іх толькі 2239, або 0,3%, былі адхіленыя — гэта адзін з самых нізкіх паказчыкаў.
278 214 заяў, пададзеных у Беларусі, тычыліся шэнгенскіх візаў у Польшчу. На другім месцы былі Літва з 236 442 заяў і Латвія з 58 897. Што да выдаткаў, у 2018 годзе беларусы патрацілі амаль 41 млн еўра на падачу віз у Еўропу, з іх 134 340 еўра выдаткавалі заяўнікі, якім адмовілі ў выдачы візы.
Гродзенскі краязнаўца Аляксандр Перагудаў знайшоў у расійскіх фондах шэраг малавядомых здымкаў Гродна часоў Першай сусветнай…
У траўні беларусы сталі актыўна абмяркоўваць знікненне бульбы з паліц у крамах. Звярнулі ўвагу і…
Гарадское і сельскае насельніцтва Беларусі скарачаецца. Згодна з Белстатам, у Гродне і Лідзе сітуацыя выглядае…
Сцэнічны комплекс на святкаванне Дня Перамогі ў Гродне 9 траўня абыйдзецца гарадскому бюджэту ў 12…
Непаўналетняга падлетка з Гродзенскага раёна спрабавалі прыцягнуць да адміністрацыйнай адказнасці за распіццё алкаголю ў грамадскім…
Салон прыгажосці Mateo запусціў праект «Незвычайная маці». Паўдзельнічаць у ім могуць жанчыны, якія выхоўваюць дзяцей…