У Гродзенскай вобласці з 13 па 15 снежня пройдзе рэкламны тур для прадстаўнікоў турыстычнай індустрыі Польшчы. Па выніках плануецца падпісанне некалькіх беларуска-польскіх дакументаў аб супрацоўніцтве ў гэтай сферы, паведамляе БЕЛТА.
З 10 лістапада даступная для бязвізавых турыстаў тэрыторыя пашырылася на ўсю Гродзенскую вобласць. Для прэзентацыі новых магчымасцяў ўязнога турызму і праводзіцца рэкламны тур.
«Удзел у ім бяруць 37 прадстаўнікоў турыстычнага бізнесу з Заходняй і Цэнтральнай Польшчы. Раней прадстаўнікі фірмаў-удзельніц не працавалі на гэтым напрамку. Для нас гэта шанец прыцягнуць новых партнёраў і магчымасць пашырыць геаграфію патэнцыйных турыстаў», — распавялі ва ўпраўленні спорту і турызму. Польскі вектар у супрацоўніцтве зададзены не выпадкова. З пачатку года рэгіён наведалі больш за 115 тыс. бязвізавых турыстаў. Каля 30% з іх — палякі.
«Тураператары наведаюць даступныя для бязвізавых турыстаў цікавыя месцы — замкі ў Міры і Навагрудку, знакавыя аб’екты ў Лідзе і іншых раёнах вобласці. Мерапрыемства дазволіць удзельнікам сустрэчы пазнаёміцца і абмеркаваць пытанні супрацоўніцтва, абмяняцца ведамі і інфармацыяй на ўзроўні «прафесіянал — прафесіяналу», — адзначылі ва ўпраўленні спорту і турызму. Патэнцыйным партнёрам прэзентуюць новыя турыстычныя маршруты, дадуць інфармацыю аб турыстычных магчымасцях рэгіёну, раскажуць пра асаблівасці бязвізавага рэжыму на тэрыторыі вобласці.
Таксама запланавана падпісанне мемарандумаў аб супрацоўніцтве паміж упраўленнем спорту і турызму Гродзенскага аблвыканкама і Палатай турызму Польшчы, турыстычным палатамі Варшавы і Дальнашленскага ваяводства.
У Гродне на Віленскай, 37 адкрыўся новы буцік-гатэль і рэстаран The Cult - і выклікаў…
Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…
На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…
Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…
Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…
Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…