З пачатку снежня ў будынку былога дамініканскага кляштара і гімназіі на Савецкай, 6 адкрылася кавярня «Какао». Уладальнікі прапануюць не толькі гарачыя напоі і дэсерты, але і даюць наведвальнікам магчымасць пазнаёміцца з гісторыяй месца.
Кавярня адкрылася ў будынку, які быў пабудаваны ў 18 стагоддзі як дамініканскі манастыр. У розныя гады ў будынку размяшчаліся манастыр, навучальныя ўстановы, а пасля Другой сусветнай вайны сюды засялілі сям'і вайскоўцаў.
«Па асартыменце кавярні ў нас усё тое ж самае, што і ў першым „Какао“ на Будзёнага. Можна атрымаць асалоду ад шакаладу і напояў, прыгатаваных на аснове рэдкіх гатункаў какава-бабоў „Fino de aroma“, а таксама дэсертамі. Яшчэ мы знаёмім наведвальнікаў з гісторыяй будынка, дзе мы адкрыліся. Тут раней знаходзілася скарбніца манастыра. Я вельмі люблю гісторыю і хацелася гэтым падзяліцца з гараджанамі і гасцямі горада», — распавяла кіраўнік кавярні Ганна Лукашун.
У кавярні можна ўбачыць арыгінальную муроўку, фрагменты цэглы «пальчатка», скляпеністыя столі і экспазіцыю з гістарычнай інфармацыяй.
Кавярня на Савецкай разлічана на 16 пасадачных месцаў.
Адрас: вул. Савецкая, 6 (уваход са двара)
Час працы: штодня з 10:00 да 22:00
З 5 красавіка ў Гродне талоны на праезд у гарадскім грамадскім транспарце даражэюць на 10…
У Гродне на Віленскай, 37 адкрыўся новы буцік-гатэль і рэстаран The Cult - і выклікаў…
Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…
На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…
Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…
Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…