Напярэдадні сусветнага дня барацьбы са СНІДам, які адзначаецца ва ўсім свеце 1 снежня, супрацоўнікі ГАКЦ «Псіхіятрыя-наркалогія» зладзілі акцыю «Спынім СНІД разам». Яе мэта — прыцягнуць увагу грамадскасці да праблемы ВІЧ/СНІД, а таксама ліквідаваць дыскрымінацыю да ВІЧ-станоўчых людзей.
Для прыцягнення ўвагі медработнікі цэнтра сталі ў жывую чырвоную стужку, якая сімвалізуе супрацьдзеянне ВІЧ-інфекцыі, талерантнасць і падтрымку ВІЧ-пазітыўных людзей.
Таксама ў рамках гэтай акцыі на працягу двух мінулых тыдняў у гродзенскіх навучальных установах праходзілі лекцыі на тэмы прафілактыкі ВІЧ-інфекцыі і талерантнасці да ВІЧ-станоўчых людзей. Падлеткі знаёміліся з гісторыяй хваробы, эпідэміялагічнай сітуацыяй у Беларусі, мерамі прафілактыкі і абароны. Асноўны акцэнт быў зроблены на прафілактыку перадачы палавым шляхам, так як у апошнія гады 60−80% выпадкаў перадачы прыпадае на гэты шлях.
Маладыя людзі паўдзельнічалі ў стварэнні сацыяльнага роліка, дзе заклікалі людзей клапаціцца пра сваё здароўе і не адносіцца з пагардай да людзей, якія трапілі ў гэтую бяду.
Цэнтр «Псіхіятрыя-наркалогія» актыўна падтрымлівае палітыку Аб’яднанай праграмы ААН па ВІЧ/СНІДу (ЮНЭЙДС) і Сусветнай арганізацыі аховы здароўя, якія вызначаюць задачы па супрацьдзеянні распаўсюджванню ВІЧ. На базе Цэнтра працуюць кабінет замяшчальнай тэрапіі і кабінет прафілактыкі ВІЧ для спажыўцоў інфекцыйных наркотыкаў (праграма абмену/выдачы шпрыцаў/іголак, выдачы сродкаў індывідуальнай абароны). Гэтыя праграмы дазваляюць знізіць рызыку інфіцыравання ВІЧ, віруснымі гепатытам В і С.
Новы сувенір у выглядзе "раскладанкі" са знакавымі аб'ектамі Гродна ствараюць улады. Яго выканаюць у выглядзе…
Некалькі сотняў Дзядоў Марозаў, Снягурак, сабачак, вавёрачак і разнастайных іншых персанажаў 20 снежня прайшлі ад…
Трохпакаёвая кватэра знаходзіцца на вуліцы Савецкіх Пагранічнікаў. Сцены ў ёй абвешаныя рэпрадукцыямі, дзвярныя праёмы выкананы…
Спецыяльнае праграмнае забеспячэнне для сачэння за актыўнасцю ў камп'ютарах закупляе Гродзенскае агенцтва па дзяржаўнай рэгістрацыі…
У Гродне рэканструююць тэрыторыю, прылеглую да вадаёма па вул. Рэпіна. Там жа ўладкуюць дзіцячую інклюзіўную…
У Гродне адкрылася выстава, прысвечаная мясцоваму ўраджэнцу мастаку Льву Баксту. Экспазіцыю размясцілі ў харальнай сінагозе,…