Навіны

Гродзенцы дапамаглі галерэі «Тызенгаўз» не закрыцца: сабралі больш чым трэба на першы ўнёсак за капітальны рамонт

Вольга Бабінская на сваёй старонцы ў фэйсбуку распавяла, што сабрала першы ўнёсак на рамонт фасада будынка і падзякавала гродзенцам за падтрымку.

У кастрычніку з’явілася інфармацыя, што апошняя прыватная галерэя ў Гродне можа зачыніцца. Галерэя «Тызенгаўз» павінна аплаціць капітальны рамонт фасада будынка, у якім знаходзіцца ўжо шмат гадоў - 4135 рублёў. Гэта вялiкая сума для ўладальнiцы. Вынiкам нявыплаты магло стаць закрыццё чарговай мастацкай прасторы ў Гродне. Гродзенцы пачалі збіраць грошы і дапамагаць галерэі. Збірала грошы ў тым ліку і рэдакцыя Hrodna.life.


Чытай таксама: У Гродне можа зачыніцца апошняя прыватная галерэя

У будынку, дзе знаходзіцца галерэя, таксама знаходзіцца Гродзенская капэла, БРСМ, прыватная цырульня, грамадскае аб’яднанне літоўцаў. Падобныя рахункі за рамонт фасада будынка ад УЖРЭП атрымалі ўсе арандатары. Дзялілі агульную суму з разліку метражу, які займае арандатар. Заплаціць прыйдзецца згодна з Пастановай Савета Міністраў ад 7 чэрвеня 2018 г. № 433. Цяпер працы па фасадзе будынка будуць аплачваць і фізічныя асобы. Праўда, фізічныя — 50% паслуг, а юрыдычныя — цалкам. Па той жа прычыне закрыўся Музей праса ў Гродне.

«Тызенгаўз» — апошняя прыватная галерэя ў Гродне. Вясной гэтага года найстарэйшая прыватная галерэя «У Майстра» пераўтварылася на салон-краму і выставачную прастору. Галерэя «Крыга» перастала існаваць у 2017 годзе, калі з гаспадаром улады скасавалі дамову арэнды. Цяпер там майстэрня мастака Алеся Сурава. Таксама ў Гродне працуе Гродзенская выставачная зала і культурны цэнтр «Фестывальны», але гэта дзяржаўныя структуры. Выставы праходзяць у арт-кафэ, музеях і культурных прасторах.

Гродзенскі мастакі, мастацтвазнаўцы і экскурсаводы прапаноўвалі стварыць у Гродне мастацкі музей. Улады адказалі, што пытанне прапрацоўваецца.


У Палацы тэкстыльшчыкаў будзе музей прыроды, а ў мастацкім музеі размесцяць прадукцыю шклозавода

Падзяліцца

Апошнія запісы

На могілках у Гродне з’явілася пліта расійскага салдата, які ваяваў супраць Украіны

Пліта Ведніка Леаніда Анатольевіча, які, верагодна, загінуў на вайне супраць Украіны, з'явілася ў калумбарыі на…

23 красавіка 2025

Як будзе выглядаць стогадовы дом у стылі канструктывізму на Міцкевіча пасля перабудовы: праект

Драўляны будынак у стылі канструктывізму 1930-х на Міцкевіча, 1 у Гродне перабудуюць у трохпавярховы гатэль…

23 красавіка 2025

У Гродне можна зрабіць здымак райка вока — паслуга падабаецца парам

Макраздымак райка (рус. - радужки) вока можна зрабіць у Гродне на вул. Будзённага. Закаханым прапануюць…

23 красавіка 2025

У Беларусі распрацуюць экскурсію па храмах і могілках Воранаўшчыны

У Нацыянальным агенцтве па турызме прапануюць распрацаваць экскурсію "Па святынях Воранаўшчыны". Аўтар зможа зарабіць 2820…

23 красавіка 2025

Дом быту ў Гродне прадалі на аўкцыёне з пятай спробы

Раней Дом быту на Замкавай, 4 спрабавалі прадаць ужо чатыры разы. У час аўкцыёну, які…

22 красавіка 2025

У гродзенскіх гатэлях амаль не засталося месцаў на травеньскія святы

У Threads беларус Дзяніс выказаў здзіўленне наконт таго, што ў гасцініцах і гатэлях Гродна ўсе…

22 красавіка 2025