«Ні адзення, ні мэблі». Пенсіянерка з Гродна страціла дом на пажары і ёй няма куды вяртацца

Сотня пажараў і больш за дзесяць загінулых у агні - гэтыя выхадныя для службаў хуткага рэагавання выдаліся ў літаральным сэнсе гарачымі, паведамляе ont.by.

Праца ратавальнікаў не спыняецца ні на дзень. Лістапад абвясцілі месяцам бяспекі і штодня правяраюць, ці ўсё ў парадку ў новым ацяпляльным сезоне ў беларусаў.

Ад прыватнага дамка пад Гродна засталіся толькі сцены. Вяртацца няма куды — ні адзення, ні мэблі. Па пажарышчы шпацыруюць сабакі і кот — чакаюць гаспадыню. Менавіта жывёлы напярэдадні вечарам выратавалі 81-гадовую жанчыну. Тая ўжо лягла спаць, дровы ў печы дагаралі, а тут — гучны брэх. Пенсіянерка выскачыла на вуліцу — дом звонку ўжо гарэў, цудам засталася жывая.

Адказу на гэтае пытанне ў пенсіянеркі пакуль няма. Жанчына яшчэ не адышла ад шоку, хавае забінтаваную галаву і амаль не ўстае з ложка.

Зіма для адзінокіх старых у вёсках — сапраўднае выпрабаванне. Запаліць у печы пажылому чалавеку нялёгка, а элементарная няўважлівасць або няспраўнасць абыходзіцца занадта дорага.

З кожным годам дамоў з дзедаўскім спосабам ацяплення становіцца ўсё менш. Яшчэ дзесяць гадоў таму печ была практычна ў кожным вясковым доме. Сёння іх засталося не больш за 7 тысяч. Зрэшты, працы ў ратавальнікаў ўсё роўна шмат: пажары з-за печкавай іскры не рэдкасць. Часта полымя перакідаецца і на суседнія пабудовы.

Марына Зямчонак, афіцыйны прадстаўнік Мінскага гарадскога ўпраўлення МНС: «У першую чаргу, мы рэкамендуем не дапускаць перакал печы. Таму што з павелічэннем маразоў людзі імкнуцца даўжэй тапіць печ, што катэгарычна забараняецца. Лепш тапіць печ не больш за паўтары гадзіны, але 2−3 разы на дзень «.

Толькі за выхадныя ахвярамі бытавых пажараў сталі 12 чалавек. За год загінулі амаль 400. Не толькі ў прыватных дамах і не толькі з-за печак. Яшчэ цыгарэты, пакінутыя без нагляду, кухонныя пліты або абагравальнікі… Наперадзе тры халодных месяцы, а таму ратавальнікі яшчэ раз нагадваюць: агонь бестурботнасці не даруе.

Падзяліцца

Апошнія запісы

«Будзе капаць на галовы» — што гродзенцы думаюць пра новыя кветкавыя аркі на Савецкай

Гродзенцы не ацанілі новыя канструкцыі для кветак на Савецкай. У красавіку на пешаходнай вуліцы ўсталявалі…

24 красавіка 2025

Студэнта з Гродна будуць судзіць за паведамленні ў «Беларускі Гаюн»

Тры злачынствы за "экстрэмізм" распачалі супраць падлеткаў у Гродзенскай вобласці ў 2024 годзе. У тым…

24 красавіка 2025

Цэгла са слядамі пальцаў, найстарэйшая свідравіна Гродна і двор для мерапрыемстваў. Якім стане комплекс былога піўзавода Brovar Hrodna

«Такіх месцаў і ў свеце не так многа, а ў Беларусі нічога падобнага проста няма», —…

24 красавіка 2025

На могілках у Гродне з’явілася пліта расійскага салдата, які ваяваў супраць Украіны

Пліта Ведніка Леаніда Анатольевіча, які, верагодна, загінуў на вайне супраць Украіны, з'явілася ў калумбарыі на…

23 красавіка 2025

Як будзе выглядаць стогадовы дом у стылі канструктывізму на Міцкевіча пасля перабудовы: праект

Драўляны будынак у стылі канструктывізму 1930-х на Міцкевіча, 1 у Гродне перабудуюць у трохпавярховы гатэль…

23 красавіка 2025

У Гродне можна зрабіць здымак райка вока — паслуга падабаецца парам

Макраздымак райка (рус. - радужки) вока можна зрабіць у Гродне на вул. Будзённага. Закаханым прапануюць…

23 красавіка 2025