Над фрагментамі Верхняй царквы ў Гродне знялі часовы кансервацыйны павільён. На гэтым месцы будуць праводзіць археалагічныя раскопкі, паведамляе «Радыё С**бода».
Працы з рэшткамі Верхняй царквы праводзяцца ў межах рэканструкцыі Старога замку.
Верхнюю царкву пабудавалі побач са Старым замкам у канцы XIII — сярэдзіне XIV стагоддзя. Яна стаяла над былой Ніжняй царквой XII стагоддзя, якая згарэла ў 1183 годзе.
Верхнюю царкву разабралі ў канцы XVI стагоддзя, калі Стары замак перабудоўвалі пры Стэфану Баторыі.
Ейныя руіны знайшлі падчас археалагічных раскопак у 1933 годзе. Каб дакапацца да Ніжняй царквы пад ёй, тады дэмантавалі часткі сцен Верхняй царквы, перанеслі іх бліжэй да каралеўскага палаца, змацавалі арматурай і бетоннай асновай, а зверху збудавалі драўляны ахоўны павільён. Адкрытага доступу да царквы з таго часу не было.
Так выглядаў часовы павільён над Верхняй царквой, пабудаваны ў міжваенны час польскімі спэцыялістамі ў двары Старога замка
![У Гродне перанясуць руіны адной з найстарэйшых у Вялікім Княстве Літоўскім цэркваў](https://hrodna.life/wp-content/uploads/2019/11/2246a320-bb7c-4c08-b88e-fc449fe615df_w1597_n_r0_st-1024x682.jpg)
hrodna.life/articles/zamak-muzey/
Цяпер заканчваецца першая чарга, неўзабаве пачнецца другая — аднаўленне каралеўскага палаца.