Горад

У Гродне з’явіўся лакальны брэнд вопраткі «Тутэйшыя»

У лістападзе ў Гродне адкрылася інтэрнэт-крама моладзевага адзення «Тутэйшыя». Каманда з некалькіх чалавек робіць вопратку з тэматычнымі прынтамі і прывязкай менавіта да Гродна і Гарадзеншчыны.

Стваральнікі кажуць, што «Тутэйшыя» — гэта лакальны брэнд вопраткі, заснаваны ў Гродне для жыхароў гэтага горада і яго гасцей, а таксама для тых, хто лічыць сябе тутэйшым.

«Мы ствараем сучасную вопратку з мясцовым каларытам, напоўненную любоўю і павагай да роднага горада. Каложская царква, Фарны касцел, Стары і Новы замкі, Драматычны тэатр і амаль што кожная пабудова адзначанная „Гістарычная каштоўнасць“. Неверагоднай прыгажосці горад, разумныя і таленавітыя людзі свайго часу, …- усе гэта Гродна. Мы не падтрымліваем нацыяналістычныя погляды ва ўсіх іх праявах. Наш брэнд- сукупнасць самых цёплых пачуццяў да роднага краю», — распавялі стваральнікі.

У брэнда «Тутэйшыя» ўжо ёсць сайт, але рэчаў для пакупак там яшчэ мала. Вядома, што маладая каманда сама шые вопратку і стварае прынты.

«Наколькі нам вядома, у Гродне нічога падобнага няма. Наша ідэя ў тым, каб павялічыць цікавасць жыхароў да гісторыі горада і наогул у цэлым да сваёй малой радзімы. Зараз многія прывыклі лаяць сваё і хваліць чужое. Хочам паказаць, што ў нас таксама шмат усяго класнага. Гэта ж крута ганарыцца сваім паходжаннем, сваім горадам. Будзем у гэтым дапамагаць жыхарам Гродна. Напрыклад, у нас ужо сцікеры распрацаваны, каб звярнуць увагу на гістарычных асобаў, важных для горада. Плануем рабіць асобныя пасты дадаткова пра кожны сцікер (кожную асобу), таму што многія ўвогуле не ведаюць гэтых людзей», — дадаў адзін з стваральнікаў брэнда Радзівон Карповіч.

Падзяліцца

Апошнія запісы

На могілках у Гродне з’явілася пліта расійскага салдата, які ваяваў супраць Украіны

Пліта Ведніка Леаніда Анатольевіча, які, верагодна, загінуў на вайне супраць Украіны, з'явілася ў калумбарыі на…

23 красавіка 2025

Як будзе выглядаць стогадовы дом у стылі канструктывізму на Міцкевіча пасля перабудовы: праект

Драўляны будынак у стылі канструктывізму 1930-х на Міцкевіча, 1 у Гродне перабудуюць у трохпавярховы гатэль…

23 красавіка 2025

У Гродне можна зрабіць здымак райка вока — паслуга падабаецца парам

Макраздымак райка (рус. - радужки) вока можна зрабіць у Гродне на вул. Будзённага. Закаханым прапануюць…

23 красавіка 2025

У Беларусі распрацуюць экскурсію па храмах і могілках Воранаўшчыны

У Нацыянальным агенцтве па турызме прапануюць распрацаваць экскурсію "Па святынях Воранаўшчыны". Аўтар зможа зарабіць 2820…

23 красавіка 2025

Дом быту ў Гродне прадалі на аўкцыёне з пятай спробы

Раней Дом быту на Замкавай, 4 спрабавалі прадаць ужо чатыры разы. У час аўкцыёну, які…

22 красавіка 2025

У гродзенскіх гатэлях амаль не засталося месцаў на травеньскія святы

У Threads беларус Дзяніс выказаў здзіўленне наконт таго, што ў гасцініцах і гатэлях Гродна ўсе…

22 красавіка 2025