Гродзенскі кандыдат у дэпутаты прапануе выбаршчыкам падпісаць дамову. Што гэта такое?

Кандыдат у дэпутаты парламента Яўгеній Дудкін прапануе выбаршчыкам заключыць дамову. У выпадку абрання дэпутатам Палаты прадстаўнікоў Нацыянальнага схода 7-га склікання Дудкін гарантуе выбаршчыку, які падпісаў дамову, пэўныя перавагі.

Сярод іх кандыдат пералічвае:

• першачарговы прыём у грамадскай прыёмнай,
• прыняццё захадаў для выканання ўсіх пунктаў выбарчай праграмы і наказаў сваіх выбарцаў,
• прадстаўленне падпісанту дамовы дакумента, які пацвярджае набыццё правоў і паўнамоцтваў (пасведчанне памочніка на грамадскіх пачатках). Падпісаць домову можна тут.

— Дамова была створана таму, што сённяшнія дэпутаты давялі грамадзян да адчаю: людзі перасталі верыць дэпутатам рознага ўзроўню. Чаму? Бо яны чыноўнікі, дырэктары і кіраўнікі розных прафсаюзаў, а гэта значыць, што падначаленыя вертыкалі ўлады і будуць рабіць і робяць тое, што ім загадаюць зверху. Свае ж абяцанкі гэтыя кіраўнікі нічым не падмацоўваюць, — кажа кандыдат.

Яўген Дудкін зарэгістраваны кандыдатам на Гродзенскай-Кастрычніцкай выбарчай акрузе № 50. Ён — прадстаўнік Беларускай хрысціянскай дэмакратыі, якая падрыхтавала шэраг законапраектаў.

«Зрабіць працу дэпутата больш празрыстай і блізкай да людзей»

— Чым гэтая дамова ўнікальная? Кожны кандыдат плануе ажыццявіць сваю праграму.

— Гэта ўнікальна тым, што ў параўнанні з іншымі кандыдамі, я разам з камандай гатовы на працягу дэпутацкага тэрміну прымаць ўсе меры, каб дамагчыся ажыццяўлення канкрэтных пунктаў нашай прадвыбарчай праграмы. Паказваем грамадзянам сваю адкрытасць, гатоўнасць працаваць і рабіць справаздачу, чаго не скажаш пра сённяшніх дэпутатаў. Гэтыя дэпутаты — чыноўнікі і кіраўнікі на прадпрыемствах, а таму прымаюць рашэнні ўлады, а не сваіх выбарцаў.

Мы прапануем адказнага дэпутата з пакетам адказных рэформ. Таксама заахвочваем саміх выбарцаў з акругі далучыцца да працы дэпутата ў якасці грамадскіх памочнікаў, зрабіць працу дэпутата больш празрыстай і блізкай да людзей.

— Калі ў вас будзе 1000 падпісантаў - будзе 1000 грамадскіх памочнікаў?

— Так! Нават калі будзе 1000 падпісантаў, то будзе 1000 памочнікаў. І гэта добра! Бо тады выбарцы, якія знаходзяцца на месцы, у акрузе, назіраннем і дапамогаю зробяць працу больш прадуктыўнай. Гэта будзе своечасовае накіраванне дэпутацкіх запытаў у мясцовыя органы ўлады аб сітуацыі і выпраўленні незаконных дзеянняў, арганізацыя сустрэч з пэўнымі групамі грамадзян па ўзняцці і вырашэнні той ці іншай праблемы на парламенцкім узроўні, прыём прапаноў і рэкамендацый, аналітыкі перад прыняццем тых законапраектаў, якія цікавяць грамадзян. І шмат чаго іншага.

Разам з тым — актывізацыя грамадзянскай супольнасці і ўзняцце цікавасці да працы самога дэпутата і парламента. Сёння ніхто не ведае сваіх дэпутатаў, акрамя апазіцыі, якая адсочвае парушэнні і прыняцце антынародных законаў. Бо яна хоць і не прадстаўлена заўважна ў парламенце, аднак тыя два дэпутаты галасавалі супраць, напрыклад, закона аб адмене адтэрміновак у войска.

Дамова грунтуецца на сумленні

Яўген кажа, што гэта першы ў Беларусі выпадак такой дамовы. Практыка такіх дамоваў існуе, напрыклад, у ЗША. Юрыдычнай сілы дамова не мае — у заканадаўстве гэта не прапісана. «Аднак яе існаванне грунтуецца на сумленні, адказнасці і слове чалавека, які з’яўляецца кандыдатам у дэпутаты. То бок, у выніку невыканання пунктаў дамовы выбарцы-падпісанты маюць поўнае права пачаць кампанію па адкліканні свайго дэпутата», — кажа Яўген.


У Гродне праходзяць перадвыбарчыя пікеты. Дзе можна сустрэцца з кандыдатам?

Падзяліцца

Апошнія запісы

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025

Блогер-гісторык Яўген Аснарэўскі выдаў турыстычны даведнік па Гродне з аўтарскімі маршрутамі

Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…

31 сакавіка 2025

У Гродна прыйшоў новы трэнд — ранішнія рэйвы ў кавярнях

Як мінімум дзве гродзенскія кавярні, My Lover Berry і «Крепкий белый», вырашылі апрабаваць новы фармат…

31 сакавіка 2025

Нерухомасць тыдня: на Фолюшы прадаюць кватэру з размаляваным балконам і вокнамі ў парк

Калі вы хацелі жыць у кватэры з уласнай фрэскай, ды яшчэ і блізка да прыроды,…

29 сакавіка 2025