Сетка ўздоўж трасы М6 мае мноства брамы, праз якія на дарогу могуць свабодна выходзіць дзікія жывёлы. Назад у лес яны часцяком вярнуцца не могуць і аказваюцца ў лабірынце. На autogrodno.by апубликавалі відэа, на якім лось безнадзейна біўся аб сетку. Аўтарка відэа кажа, што адразу два ласі не маглі знайсці дарогу ў лес.
Месяц таму такая сітуацыя прывяла да аварыі: «Лася збілі ў 15 кіламетрах ад Ліды. Мяркую, што дзікая жывёла выйшла на трасу праз адзін са шматлікіх разрываў сеткі і ўжо назад не змагла вярнуцца» — паведаміў чытач autogrodno.by.
Шырыня праходу ў сетцы метраў 10. Падобныя разрывы, якія вядуць у палі і лясы, сустракаюцца паміж Шчучынам і Лідай рэгулярна, з інтэрвалам каля 2−3 кіламетраў і часцей.
Вядома, што праблему хочуць вырашыць з дапамогай святлоадбівальнай плёнкі сіняга колеру, якую плануюць усталяваць на падобныя праходы. Гэтую ідэю ўпершыню агучылі ў ліпені 2019 года. Па задумцы, жывёла баіцца сіняга колеру і не будзе выходзіць на дарогу падчас набліжэння аўтамабіля з уключанымі фарамі.
Верагодна, сёння лось выйшаў на трасу днём, на адлюстраванне святла ад сіняй плёнкі ён бы не адрэагаваў. Адзінае выйсце — зачыніць праходы рэальнымі варотамі.
На “Гродна Азот” 2 траўня 2024 года адбылася атака кіберпартызанаў. З сістэмы выдалілі дадзеныя сотняў…
Гродзенец Ежы Грыгенча патрапіў пад спецвытворчасць. Працэс супраць мужчыны пачалі 2 траўня 2024 года. Ежы…
Польскія візавыя цэнтры ў Гродне і Лідзе паднялі цэну сэрвіснага збору. Зараз пры падачы на…
Найхутчэйшы рост цэн на харчовую прадукцыю ў Беларусі назіраецца ў Гродзенскай вобласці. За першы квартал…
Гродзенскіх школьнікаў прывялі ў ізалятар часовага ўтрымання. Гэта адбылося ў межах экскурсіі, паведаміла прэс-служба Упраўлення…
У цэнтры Гродна дабудоўваюць офіс IT-кампаніі “Афранс”. Ён будзе складацца з двух будынкаў на вуліцы…