Навіны

Лукашэнка патлумачыў, чаму ў Беларусі не зносяць помнікі Леніну

Аляксандар Лукашэнка заявіў, што Беларусь толькі выйграла ад рашэньня працягнуць традыцыю адзначаць Дзень Кастрычніцкай рэвалюцыі і ад таго, што адмовілася зносіць помнікі Леніну і праводзіць дэкамунізацыю і люстрацыю", піша «Радыё С**бода» са спасылкай на БЕЛТА.

Лукашэнка перакананы, што рашэньне працягнуць традыцыю адзначаць сьвята 7 лістапада было правільным і краіна ад гэтага толькі выйграла. Паводле яго, захаваўшы сьвята, Беларусь таксама працягнула традыцыю савецкіх часоў рабіць так званыя падарункі ўлады народу.

«Мы захавалі гэта сьвята і падвялі пад яго адпаведную ідэалёгію: будзем заканчваць будоўлі, уборку ўраджаю, падводзіць вынікі і гэтак далей, і падарункі людзям (рабіць. — Рэд.)», — сказаў Лукашэнка.

Як падкрэсьліў Лукашэнка, Беларусь, у адрозьненьне ад суседніх Украіны і Расеі, не адмовілася ад свайго гістарычнага мінулага і ня стала зносіць помнікі савецкіх часоў.

«Я гэта спыніў адразу. У нас гатовыя былі таксама зносіць помнікі, правесьці дэкамунізацыю, люстрацыю — я гэта спыніў. І мы ад гэтага выйгралі. Сёньня пачалі ўсе вяртацца да таго, што крытыкуюць: вось, помнікі зьнесьлі. Мы нікому ня зьнесьлі, захавалі», — сказаў ён.

У 2015 годзе Лукашэнка ў адказ на пытаньне карэспандэнта С**боды пра магчымую дэкамунізацыю і знос помнікаў Леніну ў Беларусі адказаў, што ён не дазволіць зносу помнікаў, бо гэта праца людзей, «пэўнае мастацтва, хоць і часам нягеглае», і гэта наша гісторыя.

Падзяліцца

Апошнія запісы

Фільм на кітайскай раскажа пра Гродна і яго «інвестыцыйную прывабнасць»

Іміджавы фільм аб інвестыцыйнай прывабнасці Гродна задумалі ў гарвыканкаме. На яго выдаткуюць бюджэтныя грошы. Відэа…

28 красавіка 2025

У Гродне з’явіўся амерыканскі дэсерт — печыва з рознымі начыннямі

У Гродне пачалі прадаваць «крамбл кукіс» — амерыканскае печыва з рознымі дадаткамі і салодкімі топінгамі.…

28 красавіка 2025

Назву гурта Dzieciuki і яго сацсеткі прызналі «экстрэмісцкімі». Падобна, што «экстрэмісцкай» стала і першая беларускамоўная газета

Сацсеткі панк-гурта з Гродна Dzieciukі і сам гэты надпіс у Беларусі прызналі "экстрэмісцкімі матэрыяламі". Паводле фармулёўкі…

27 красавіка 2025

Нерухомасць тыдня: у Гродне прадаюць дом з ажурным балконам за 60 метраў ад Нёмана

У Гродне на продаж выставілі дом на 2-м Падольным завулку - па суседстве з рэстаранам…

26 красавіка 2025

Школьнікі з Гродна трапілі пад прафілактыку за «зігаванне» і нацысцкую сімволіку

Міліцыя Грjдзенскай вобласці маніторыла Інтэрнэт і занепакоілася "нацызмам" сярод школьнікаў. Яны "зігуюць", слухаюць музыку Трэцяга…

25 красавіка 2025

У Гродне правялі беларуска-польскі форум для бізнесменаў. Гаварылі пра важнасць Расіі

Дыялогавая пляцоўка для бізнесменаў з Беларусі і Польшчы прайшла ў Гродне 25 красавіка. Мясцовыя ўлады…

25 красавіка 2025