Галасаванне камісіі па выбары брэнда Гродна 24 кастрычніка праходзіла ў два этапы. У першым этапе найбольш галасоў атрымала прапанова гродзенскага дызайнера Андрэя Ціцяка. Брэсцкая студыя GRAFIT заняла другое месца, трэцяе — FOTON MEDIA з Гродна.
Андрэй Ціцяк — 724
GRAFIT — 711
FOTON MEDIA — 683
Але потым адбылося другое галасаванне, у якім вынік быў зусім іншы.
Камісія вырашыла, што тры лідары павінны перайсці ў чарговы этап, у якім паўтарылася галасаванне. Кожны з 19 чальцоў камісіі меў толькі адзін голас. Вынік атрымаўся зусім іншы: 13 галасоў за GRAFIT і па 3 на Андрэя Ціцяка і FOTON MEDIA.
Гэта значыць, што вынік галасавання залежаў не толькі ад меркавання журы, але і ад спосабу галасавання.
Даволі высокую ацэнку журы атрымала прапанова дызайн-студыі Сяргея Вераса, якая была лідарам інтэрнэт-галасавання. Карыстальнікі інтэрнэта звярнулі ўвагу, што гэта лога вельмі падобнае да іншага — лога харвацкага горада Амішаль. А яшчэ да лога крамы «Гемма»
Дызайнеру Дзмітрыю Гупенцу варыянт перможцаў нагадаў ягоную ўласную працу, створаную некалькі гадоў таму.
«Красное лого очень давно я делал с открытки Саши Костецкой. С этой открытки мы еще делали много мерча для ежегодной конференции „Дни Губерта“ в Гродно. Делаем пару не хитрых манипуляций немного осовремениваем и получаем супер креативное лого. Это конечно мое субъективное мнение, Саша сильного плагиата», — напісаў Дзмітрый у фэйсбуку.
Лана Глумакова са студыі «На ура» рэзка выказалася ў фэйсбуку пра выбар пераможцы. Дарэчы, на старонцы нашага журналіста Руслана Кулевіча гарачае абмеркаванне брэнда Гродна сабрала больш за 300 каментарыяў!
«Общественность крайне недовольна. Лидеры мнений готовят флешмоб #гроднобезлоготипа. Они будут требовать честного народного голосования без возможности накруток, как это было в первых турах. Многие говорят про петицию. Думаю, „победителям“ рано радоваться», — напісала Глумакова.
А некаторым лагатып ад GRAFIT нагадаў не аленя, але цюленя або мураўеда.
Міліцыя Гродна шукае пастаўшчыка абедаў у ізалятар часовага ўтрымання Кастрычніцкага РУУС. З 2011 года ежу…
Гродзенец Павел Юшкевіч, які жыве ў Торуні, атрымаў польскае грамадзянства па рашэнні Куяўска-Паморскага ваяводы. Раней…
Штогод у Гродзенскай вобласці выяўляюць больш за 6 тысяч анкалагічных захворванняў. Па стане на 2025…
Гродзенскі прадпрымальнік Артур Рымша выпусціў кліп на песню "Дзве сястры" - у ёй мужчына спявае…
"Лідскае піва" памяняла фармат тары для брэнда KORONET Lager. Прычына ў адсутнасці патрэбнай тары -…
Гродзенскі рок-гурт 8sonca запісаў трэці музычны альбом. Музыкі прысвяцілі яго каханню і ўнутраным перажыванням. Рэліз…