Чытачы «Нашай Н**ы» з Мінска даслалі некалькі дзіўных квітанцый аб квартплаце за верасень. Сумы ўражваюць — 273 рублі ў аднаго чалавека, 220 рублёў у іншага. Кватэры — двухпакаёвыя. У абодвух маёмасць зарэгістраваная на сваякоў, якія па беларускіх законах сталі лічыцца «дармаедамі». «Наша Н**а» праглядзела жыроўкі, каб разабрацца, адкуль вылезлі такія шалёныя лічбы.
Аказалася, што справа ў «эканамічна абгрунтаваным тарыфе» на падагрэў вады, які складае 88,99 рублёў за Гкал замест былых 18,48 рублёў — розніца амаль у пяць разоў!
У разліковых цэнтрах кажуць, што толькі ў сталіцы ці не тысячы людзей атрымалі жыроўкі з новымі сумамі. Але, аказваецца, усё не так проста. Справа ў тым, што камісіі, якія вызначаюць «дармаедаў», уносяць у свае спісы людзей паступова, па меры «ідэнтыфікацыі», таму, можна думаць, што ў згаданых выпадках людзі ўразіліся новымі тарыфамі, таму што ўбачылі іх упершыню.
А як патлумачылі «Нашай Н**е» у Міністэрстве працы, на гэта можа быць накладзена яшчэ адна сітуацыя.
«Мы разабраліся прынамсі з адной сітуацыяй: у кватэры была зверка паказанняў прыбораў уліку вады. Вадаканал высветліў, што ў гэтай кватэры не даплачвалі за ваду — плацілі менш, чым рэальна спажывалі. З улікам зверкі вады і таго, што пражывае незаняты плацельшчык камунальных паслуг, быў зроблены пераразлік па павялічаным тарыфе», — сказалі у ведамстве.
Колькі такіх кватэр у сталіцы, невядома.
Пліта Ведніка Леаніда Анатольевіча, які, верагодна, загінуў на вайне супраць Украіны, з'явілася ў калумбарыі на…
Драўляны будынак у стылі канструктывізму 1930-х на Міцкевіча, 1 у Гродне перабудуюць у трохпавярховы гатэль…
Макраздымак райка (рус. - радужки) вока можна зрабіць у Гродне на вул. Будзённага. Закаханым прапануюць…
У Нацыянальным агенцтве па турызме прапануюць распрацаваць экскурсію "Па святынях Воранаўшчыны". Аўтар зможа зарабіць 2820…
Раней Дом быту на Замкавай, 4 спрабавалі прадаць ужо чатыры разы. У час аўкцыёну, які…
У Threads беларус Дзяніс выказаў здзіўленне наконт таго, што ў гасцініцах і гатэлях Гродна ўсе…