Горадзенскі гарвыканкам адказаў дзіцячаму госьпісу на просьбу аплочваць паслугі для цяжка хворых дзяцей. Адказ пакуль не станоўчы і не адмоўны, піша «Радыё С**бода».
Госьпіс зьвяртаўся да ўладаў з просьбай аплочваць дадатковыя паслугі для цяжкахворых дзяцей зь бюджэту. Першы, вусны зварот быў год таму. Старшыня гарвыканкаму Мечыслаў Гой тады адказаў у гутарцы, што гэта не такія вялікія грошы.
Гаворка ідзе пра 25 тысяч рублёў у год, якія пойдуць на заробак спэцыялістам госьпісу. Яны змогуць тады рабіць цяжкахворым дзецям масаж і праводзіць зь імі заняткі лячэбнай фізкультуры, аказваць паслугі па сацыялізацыі дзіцяці і бацькоў, паслугі псыхоляга — усё гэта дома.
Паводле апытаньня бацькоў, якое праводзіў госьпіс, большасьць сем’яў зацікаўленыя ў такіх паслугах. Каля 80% замаўляюць іх для сваіх дзяцей у платных спэцыялістаў. Бясплатна іх цяпер можна атрымаць толькі ў паліклініцы, але трапіць туды з розных прычын складана.
Нядаўна госьпіс атрымаў адказ на свой пісьмовы зварот з гарвыканкаму.
У той жа час госьпіс шукае новы будынак. Цяпер ён месьціцца ў памяшканьні дзіцячай паліклінікі. Выдзеленых плошчаў не хапае, а паліклініка ня можа выдзеліць больш пакояў. Арганізацыя зьвярталася да гарадзкіх уладаў з просьбай даць у карыстаньне большы будынак, прыкладам, былы мэдыцынскі выцьвярэзьнік.
Аднак з гарвыканкаму адказалі адмоўна, бо госьпіс не ўваходзіць у сьпіс арганізацый, якім належыць выдаваць памяшканьні ў бескаштоўнае карыстаньне.
Цяпер госьпіс шукае новае памяшканьне на камэрцыйнай аснове, плошчай каля 200 квадратаў.
Госьпіс у Горадні — недзяржаўная, некамэрцыйная арганізацыя. Ён існуе за кошт спонсарскай дапамогі перадусім ад буйных беларускіх прадпрыемстваў, а таксама дзякуючы праектнай дзейнасьці (гранты) і ахвяраваньням людзей. Дзяржава не выдзяляе сродкаў на яго ўтрыманьне.
Новы сувенір у выглядзе "раскладанкі" са знакавымі аб'ектамі Гродна ствараюць улады. Яго выканаюць у выглядзе…
Некалькі сотняў Дзядоў Марозаў, Снягурак, сабачак, вавёрачак і разнастайных іншых персанажаў 20 снежня прайшлі ад…
Трохпакаёвая кватэра знаходзіцца на вуліцы Савецкіх Пагранічнікаў. Сцены ў ёй абвешаныя рэпрадукцыямі, дзвярныя праёмы выкананы…
Спецыяльнае праграмнае забеспячэнне для сачэння за актыўнасцю ў камп'ютарах закупляе Гродзенскае агенцтва па дзяржаўнай рэгістрацыі…
У Гродне рэканструююць тэрыторыю, прылеглую да вадаёма па вул. Рэпіна. Там жа ўладкуюць дзіцячую інклюзіўную…
У Гродне адкрылася выстава, прысвечаная мясцоваму ўраджэнцу мастаку Льву Баксту. Экспазіцыю размясцілі ў харальнай сінагозе,…