Разам з зоаабарончай арганізацыяй «Адданае сэрца» мы рэгулярна публікуем фатаграфіі жывёл, якія шукаюць новы дом і новага кахаючага гаспадара. Сёння — шчанюкі-маляняты і дзве коткі пастарэй, якія вельмі хочуць з табой пазнаёміцца. Паглядзіце, можа сярод іх ёсць і ваш будучы верны сябар?
Максі каля 3 месяцаў, вырасце сярэдняга памеру. Гэта вельмі кемлівая дзяўчынка, любіць гульні і чалавечую ўвагу. Ідэальны сабачка для пражывання ў кватэры. Акуратная і паслухмяная, нягледзячы на свой юны ўзрост. Максі есць усё і з вялікім апетытам. Апрацавана ад паразітаў, прышчэпленая па ўзросце (ёсць пашпарт). Усе свае справы, маленькія і вялікія, робіць выключна на пялюшках, таксама прывучаецца да выгулу на вуліцы. Аддаём у добрыя рукі з умовай абавязковай кастрацыі калі падрасце (дапаможам).
+375 29 2 355 509 Ліза (можна ў вайбер)
+375 33 6 869 696 Каця
Фібі каля 3 месяцаў, вырасце сярэдняга памеру. Дзяўчынка вельмі цямлівая для свайго ўзросту. Есць як сухі корм для шчанюкоў, так і звычайную ежу. Апрацавана ад паразітаў, першасна прышчэпленая (ёсць пашпарт). Аддаём у добрыя рукі з умовай абавязковай кастрацыі па ўзросце (дапаможам).
+375 29 2 355 509 Ліза (можна ў вайбер)
+375 33 6 869 696 Каця
Маладзенькая котачка каля 2 гадоў незвычайнай дымчата-трохкаляровай афарбоўкі. Ласкавая, мурчлівая. Гаваркая, умее «бадацца» пры любым зручным выпадку, з радасцю прыйдзе да вас на ручкі і патопча на каленках. Вельмі арыентавана на чалавека. Здаровая, была ў ветэрынара. Стэрылізавана. Ад паразітаў апрацавана.
+37 529 2 659 967 Анна
Чэстар — вар’яцка ласкавы і пяшчотны звер. Будзе вельмі рады пражыванню і ў прыватным доме, і ў кватэры. Гэта яшчэ нават не дарослы кот, хлопцу каля 7 месяцаў, вырасце ў шыкоўнага буйнога кацяру! Кастраваны, здаровы, латком карыстаецца. Апрацаваны ад паразітаў і прышчэплены (ёсць ветпашпарт). З-за траўмы ампутаваны кончык хваста, але гэта надае яшчэ больш шарму і індывідуальнасці.
Шыкоўны хлопец Чэстар шукае сабе самых лепшых тату і маму!
+37 529 8 842 276 Ірына
У акцыях на 9 траўня, прысвечаных святкаванню 80-годдзя перамогі, вырашылі задзейнічаць жывёл. Сабаку па мянушцы…
Супрацоўнікі "Гродназелянбуда" ўжо ўпрыгожваюць аркі на Савецкай кветкамі. У сацсетках з'яўляецца ўсё больш відэа з…
У траўні на даху комплексу «Бровар Гродна» з'явіўся флюгер. Пры рэстаўрацыі гродзенскага піўзавода інвестару было…
Гродзенскі краязнаўца Аляксандр Перагудаў знайшоў у расійскіх фондах шэраг малавядомых здымкаў Гродна часоў Першай сусветнай…
У траўні беларусы сталі актыўна абмяркоўваць знікненне бульбы з паліц у крамах. Звярнулі ўвагу і…
Гарадское і сельскае насельніцтва Беларусі скарачаецца. Згодна з Белстатам, у Гродне і Лідзе сітуацыя выглядае…