Гродна прызналі найлепшым для бізнесу сярод абласных цэнтраў

Журы з прадстаўнікоў бізнес-асацыяцый, банкаў і вядучых эканамістаў вызначыла рэгіёны Беларусі з найлепшымі ўмовамі для вядзення бізнесу.

Пераможцам у асноўнай намінацыі «Найлепшы абласны цэнтр Беларусі для бізнэсу — 2019» прызнаны Гродна. Найлепшым раёнам для бізнесу з колькасцю насельніцтва больш за 50 тыс. чалавек назвалі Лідскі, піша ej.by.

Найлепшымі раёнамі для бізнесу (з насельніцтвам менш за 50 тыс. чалавек) сталі Пастаўскі, Брэсцкі, Брагінскі, Шчучынскі, Чэрвеньскі і Горацкі, у намінацыі «Найлепшая вобласць для бізнесу Беларусі» перамагла Мінская.

Навошта конкурс

Штогод конкурс па вызначэнні найлепшага горада, рэгіёну і вобласці для вядзення бізнесу праводзяць Рэспубліканская канфедэрацыя прадпрымальніцтва і Мінскі сталічны саюз наймальнікаў і працадаўцаў.

Па словах старшыні Вышэйшай каардынацыйнай рады Рэспубліканскай Канфедэрацыі прадпрымальніцтва Уладзіміра Карагіна, конкурс дазваляе як выявіць слабыя месцы рэгіёнаў, так і стварыць канкурэнтнае асяроддзе ў эканоміцы і пазначыць лідэраў.

«Ацэньвалася колькасць суб’ектаў гаспадарання, аб’ём падаткаў, якія збіраюцца ад МСП, таксама журы вывучала розныя ініцыятывы і праекты, якія праводзяцца ў горадзе (раёне, вобласці), не менш важным быў такі крытэр як узаемадзеянне бізнесу з уладамі», — растлумачыў Уладзімір Карагін.

Падзяліцца

Апошнія запісы

У святкаванні Дня перамогі задзейнічаюць жывёлін. Удзельнічае і каза з Гродзенскага заапарка

У акцыях на 9 траўня, прысвечаных святкаванню 80-годдзя перамогі, вырашылі задзейнічаць жывёл. Сабаку па мянушцы…

9 мая 2025

Аркі на Савецкай ужо ўпрыгожылі кветкамі - гараджане параўноўваюць вуліцу з «маленькай Галандыяй»

Супрацоўнікі "Гродназелянбуда" ўжо ўпрыгожваюць аркі на Савецкай кветкамі. У сацсетках з'яўляецца ўсё больш відэа з…

9 мая 2025

Над гродзенскім піўзаводам устанавілі флюгер з сімвалічнай датай. Яго аўтар — знакаміты каваль

У траўні на даху комплексу «Бровар Гродна» з'явіўся флюгер. Пры рэстаўрацыі гродзенскага піўзавода інвестару было…

9 мая 2025

Гродзенец знайшоў рэдкія здымкі горада часоў Першай сусветнай вайны

Гродзенскі краязнаўца Аляксандр Перагудаў знайшоў у расійскіх фондах шэраг малавядомых здымкаў Гродна часоў Першай сусветнай…

8 мая 2025

Праўладны Telegram-канал сцвярджае, што ў Гродне няма праблем з бульбай. Гараджане абурыліся

У траўні беларусы сталі актыўна абмяркоўваць знікненне бульбы з паліц у крамах. Звярнулі ўвагу і…

7 мая 2025

У Беларусі скарачаецца насельніцтва, у Гродне і Лідзе — расце

Гарадское і сельскае насельніцтва Беларусі скарачаецца. Згодна з Белстатам, у Гродне і Лідзе сітуацыя выглядае…

7 мая 2025