Студыю ўнутрызаводскага радыё «Гродна Азот» наведаў старшыня Гродзенскага гарвыканкама Мечыслаў Гой. Падчас эфіру ён адказаў на пытанні работнікаў. Супрацоўнікаў прадпрыемства цікавіла, дзе абяцаныя бескантактныя тралейбусы, якія ў Дзень горада павінны былі пачаць курсіраваць па абсалютна новым маршруце і звязаць «Альшанку» і «Азот», паведамляе grodnoplustv.by.
— У мяне адбылася размова з дырэктарам МАЗа пра тое, што яго падвялі пастаўшчыкі Расіі. Спадзяемся, што памылку яны хуценька ліквідуюць і ў самы бліжэйшы час, як мне паабяцалі кастрычнік месяц, першыя пяць тралейбусаў прыбудуць у Гродна і першы маршрут з Альшанкі сыдзе, вядома, на «Гродна Азот, — сказаў Мечыслаў Гой, старшыня гарвыканкама.
Таксама адзін з супрацоўнікаў прадпрыемства наракаў на пастаянную адсутнасць у Гродне каля аўтавакзала свабодных паркавальных месцаў. Скардзіліся азотаўцы і на тое, што каля сярэдняй школы № 28 і гімназіі № 6 знішчаныя спартыўныя пляцоўкі і дзецям больш няма дзе займацца баскетболам. Мечыслаў Гой паабяцаў разабрацца з гэтым пытаннем. Таксама ён правёў сустрэчу з працоўным калектывам прадпрыемства. Казалі пра тое, як горад асвойвае новыя сацыяльныя паслугі, завадчане цікавіліся, калі ўдасца ліквідаваць ў Гродне дэфіцыт лекараў і павысіць узровень заробкаў.
— Мы такі псіхалагічны бар’ер-лічбу пераступілі - 1000 рублёў у горадзе Гродна. Гэта таксама шмат што значыць. Праблема сёння — недахоп рабочых рук. У наступным годзе мы пастараемся ўвесці парадку двухсот кватэр арэндных, каб прыцягнуць з іншых рэгіёнаў, — кажа старшыня гарвыканкама.