У Гродне збіраюцца перарабляць камерцыйны транспарт у электрамабілі

У мінулым годзе ў Гродне ўтварылася майстэрня «Захавальнікі гісторыі». Майстры ўжо завяршылі поўную рэстаўрацыю і пераабсталяванне Barkas B1000 пад яркі фуд-трак, цяпер працуюць над чарговым праектам і ўжо паспелі пераехаць у больш прасторныя памяшканні. Паралельна «захавальнікі», як самі сябе называюць ўдзельнікі майстэрні, працуюць над інавацыйным праектам: мадэрнізацыяй любога камерцыйнага транспарту ў электрамабіль. На пачатковым этапе гродзенцы шукаюць інвестараў, піша autogrodno.by. Абяцаюць вярнуць інвестыцыі праз 12 месяцаў і 30% гадавых.

Са сваёй ідэяй яны прыйшлі на выставу «Еўрарэгіён Нёман», якая праходзіла ў нядаўнюю пятніцу.

— Мы прапануем перавод любога камерцыйнага транспарту з рухавіком унутранага згарання на электрычную цягу. Перш за ўсё мы гатовыя мадэрнізаваць аўтамабілі «Газэль» і «Газэль Next». На нашых кампанентах кошт мадэрнізацыі складае парадку 15 000 беларускіх рублёў. Гэта акупнасць за 1−2 гады эксплуатацыі ў гарадскіх умовах, — кажа Зміцер Марэцкі, адзін з удзельнікаў праекту.

На думку «захавальнікаў», на іх кампанентах мадэрнізаваныя аўтамабілі будуць мець запас ходу каля 200 км і зараджацца ад сеткі ў 220 В праз 7 часоў (1 гадзіну ад «хуткай» зараднай станцыі ў трохфазнай сетцы). Грузападымальнасць мадэрнізаваных аўтамабіляў практычна не пацерпіць.

Першы вопытны ўзор «захавальнікі» хочуць паказаць у канцы 2019 года. А пакуль шукаюць інвестараў.

— У ідэальным выпадку мы разглядаем інвеставанне на суму ад 60 000 беларускіх рублёў. Магчыма суінвеставанне. Праз 12 месяцаў мы зможам выканаць поўнае вяртанне інвестыцый і дадатковых 30% гадавых, — кажа суразмоўца.

Кантакты «Захавальнікаў гісторыі»:

+375 292 868 077
class.el.by@gmail.com

Падзяліцца

Апошнія запісы

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025

Блогер-гісторык Яўген Аснарэўскі выдаў турыстычны даведнік па Гродне з аўтарскімі маршрутамі

Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…

31 сакавіка 2025

У Гродна прыйшоў новы трэнд — ранішнія рэйвы ў кавярнях

Як мінімум дзве гродзенскія кавярні, My Lover Berry і «Крепкий белый», вырашылі апрабаваць новы фармат…

31 сакавіка 2025