Каля двух тыдняў спатрэбілася, каб змантаваць з разабраных частак новы атракцыён. Праўда, пакуль яшчэ кола без кабінак.
Гродзенскае кола агляду стане другім па велічыні пасля мінскага, піша grodnonews.by. У добрае надвор’е мясцовасць будзе праглядацца на 25 кіламетраў. У кола будуць 24 кабінкі чырвонага колеру. Вышыня «чортавага кола» 42 метры — гэта прыкладна з 14-павярховы жылы дом.
Працаваць новы атракцыён будзе круглы год. Кабінкі зачыненыя і з абаграваннем, таму нават пры мінусовай тэмпературы гараджане змогуць атрымаць асалоду ад відаў Гродна.
