Жыхар г. п. Воранава Дзяніс Мушынскі злавіў карпа вагой 32 кг і не стаў есці. Рыбак вырашыў перавезці яго ў прыватны вадаём, дзе праводзяць міжнародныя спаборніцтвы па карпфішынгу — у Мінскую вобласць.
32-кілаграмовы насельнік воранаўскай сажалкі трапіўся, а трэцяй гадзіне ночы 6 верасня, піша voran.by. Дарэчы, па словах бывалых рыбакоў, займець такі трафей можна ў цёплы час года, бо на зімовы перыяд карп спыняе харчаванне і сыходзіць на так званую спячку. Для зімоўкі рыба выбірае глыбокія ямы або закопваецца ў глей. З першым цяплом ён пакідае сваё сховішча і пачынае звычайны лад жыцця.
— За 12 гадоў майго захаплення добрыя ўловы, вядома, былі, але такі трафей упершыню, — распавёў сябра раённай арганізацыйнай структуры РДГА «БТПР» Дзяніс Мушынскі. — Па памеры было зразумела, што рыба ўзроставая. Вядома, што на працягу ўсяго свайго жыцця асобіны гэтага віду растуць. Такім чынам, чым больш памеры, тым рыба старэйшая. У асноўным, гэты від жыве каля 30-ці гадоў, але ёсць і асобіны, якія дасягаюць проста гіганцкіх памераў, а іх узрост перавышае 50 гадоў. Таму і вырашыў перавезці воранаўскага жыхара бліжэй да сталіцы.
У паўночна-ўсходняй частцы Мінскай вобласці на рацэ Чарніца знаходзіцца прыватны вадаём для рыбалоўнага спорту, на якім праводзяцца трэніроўкі і міжнародныя спаборніцтвы па карпфішынгу. Лоўля на гэтым вадаёме дазволена толькі спартыўнымі снасцямі і паводле прынцыпа «Злавіў - выпусці!». Рыбаловы абавязкова павінны мець пры сабе мат і карпавы падхват, а таксама карыстацца толькі бяспечнымі карпавымі мантажамі, для таго, каб у выпадку абрыву рыба магла самастойна вызваліцца ад снасці.
Міліцыя Грjдзенскай вобласці маніторыла Інтэрнэт і занепакоілася "нацызмам" сярод школьнікаў. Яны "зігуюць", слухаюць музыку Трэцяга…
Дыялогавая пляцоўка для бізнесменаў з Беларусі і Польшчы прайшла ў Гродне 25 красавіка. Мясцовыя ўлады…
Гродзенцы не ацанілі новыя канструкцыі для кветак на Савецкай. У красавіку на пешаходнай вуліцы ўсталявалі…
Тры злачынствы за "экстрэмізм" распачалі супраць падлеткаў у Гродзенскай вобласці ў 2024 годзе. У тым…
«Такіх месцаў і ў свеце не так многа, а ў Беларусі нічога падобнага проста няма», —…
Пліта Ведніка Леаніда Анатольевіча, які, верагодна, загінуў на вайне супраць Украіны, з'явілася ў калумбарыі на…