У Навагрудку рыхтуюцца выселіць з цэнтра горада дзіцячую і дарослую бібліятэкі, мастацкую школу і музычныя класы. Вызвалены будынак запланавана аддаць БТІ (Бюро тэхнічнай інвентарызацыі). Нагода для перасялення — будынку патрэбны капітальны рамонт і нібы толькі БТІ можа яго зрабіць. У сеціве стварылі петыцыю супраць пераносу ўстаноў, засталося два дні, каб яе падпісаць.
Першапачаткова выканкам планаваў вызваліць будынак для БТІ да 2 верасня. Пабудова, у якой месціліся ўстановы дагэтуль — пачатку 20 стагоддзя, размешчаная ў гістарычным цэнтры горада. Але, як сказана ў петыцыі, капітальны рамонт там быў у 2012 годзе. Праблема ў тым, што новыя памяшканні для бібліятэк, школы і музычных класаў вельмі нязручныя.
Па словах аўтараў петыцыі, цокальныя памяшканні школы № 1, куды мусяць перамясціць мастацкую школу, — цёмныя, сырыя і магчыма з грыбком, вокны там на ўзроўні зямлі і цяжка дыхаецца. Акрамя таго, школа № 1 знаходзіцца вельмі далёка ад шматпавярховых раёнаў горада, дабрацца туды самастойна вучню амаль немагчыма. Побач — скрыжаванне вузкіх вуліц, па якіх ездзяць фуры і іншы цяжкі транспарт. Сёння ў мастацкай школе — болей за сотню вучняў, але бацькі ўжо цяпер адмаўляюцца адпраўляць дзяцей так далёка і ў такія памяшканні.
Музычную школу пераносяць у будынак інтэрната, дзе жывуць людзі.
Аб’яднаную дзіцячую і дарослую бібліятэку, якую штодзень наведваюць ў сярэднім 60−80 чалавек, высяляюць на трэці паверх старога будынка 20-х гадоў. Фактычна, гэта 4 паверх калі мерыць лесвічнымі пралётамі «хрушчовак». Замест існуючых сёння 290 квадратных метраў, для бібліятэкі прапануюць 112 квадратаў. Змяншэнне плошчы азначае скарачэнне бібліятэчных фондаў на 30%. Аб’яднаная чытацкая зала будзе складаць пару сталоў, якія будуць дзяліць паміж сабою дарослыя і дзеці. Людзям сталага веку будзе цяжка падымацца па даўгой лесвіцы.
Як вядома стваральнікам петыцыі, канчатковае рашэнне аб перадачы будынка БТІ яшчэ не прынятае.
У найбліжэйшыя месяцы ў Поразаве плануюць адкрыць Дом банкухі. Тут можна будзе паўдзельнічаць у майстар-класе…
Міліцыя Гродна адпраўляе адбыўшых пакаранне на працы ў Гродзенскую агароднінную фабрыку. Зараз на ўліку ў…
На Дзевятоўцы прадаюць трохпакаёвую кватэру на апошнім паверсе 16-павярховага дома. Акрамя шыкоўнага выгляду на палі…
У акцыях на 9 траўня, прысвечаных святкаванню 80-годдзя перамогі, вырашылі задзейнічаць жывёл. Сабаку па мянушцы…
Супрацоўнікі "Гродназелянбуда" ўжо ўпрыгожваюць аркі на Савецкай кветкамі. У сацсетках з'яўляецца ўсё больш відэа з…
У траўні на даху комплексу «Бровар Гродна» з'явіўся флюгер. Пры рэстаўрацыі гродзенскага піўзавода інвестару было…