Кола агляду, або як яго называюць у народзе “чортава кола”, закруціцца ў Гродне на дзень горада, які плануецца 14 верасня, піша harodniaspring.org.
Пачалася актыўная фаза зборкі складнікаў для кола агляду, якія дасюль ляжалі ў парку Жылібера.
Гродзенскае кола агляду будзе другім у Беларусі па вышыні і змяшчальнасці пасажыраў. Яго вышыня складзе 42 метры, і разлічана яно на 96 месцаў у 24-кабінках. У добрае надвор’е агляд будзе дасягаць да 25-ці кіламетраў і поўны абарот яно будзе рабіць за 10 хвілін.
У Гродне раней было кола агляду, у 80-ых гадах. Гродзенцы ўжо паспелі засумаваць па такім атракцыёне. Яно было меншае, 30 метраў, знаходзілася ў Каложскім парку, і пасля 10-ці гадоў эксплуатацыі было дэмантавана.
