Міліцыя распавяла, дзе часцей за ўсё знікаюць грыбнікі

У асноўным пошукі разгортваюцца на тэрыторыях Парэцкага і Азёрскага сельсаветаў. Як правіла, блукаюць пенсіянеры, якія часта губляюцца ў знаёмых лясах, адзначае намеснік начальніка аддзялення аховы правапарадку і прафілактыкі РАУС Пётр Ленец. Бабулі і дзядулі ўпэўненыя, што ведаюць тутэйшыя месцы і не баяцца заходзіць глыбей. Гэтым летам у РАУС паступіла некалькі паведамленняў аб дапамозе. Усе гісторыі скончыліся шчасліва, піша rgazeta.by.

— Мы заўсёды папярэджваем, каб грыбнікі, выпраўляючыся ў лес, апраналі яркую вопратку. Але мала хто да гэтага прыслухоўваецца. Некаторыя сыходзяць у лес у камуфляжных касцюмах, што ўскладніць пошук, — кажа суразмоўца.

Абавязкова варта ўзяць з сабой мабільны тэлефон, папярэдне яго зарадзіўшы. Але неабходна памятаць, што ў лесе мабільная сувязь можа быць недаступная. Таму варта прыхапіць з сабой свісток — ён можа апынуцца надзейнейшым за тэлефон. Таксама вельмі важна ўзяць з сабой нож, компас, зручны абутак, набор запалак у воданепранікальнай упакоўцы, дажджавік. Калі ўсё ж такі заблукалі, галоўнае, не паддавацца паніцы. Шукайце любую сцежку, прасеку або лінію электраперадачы. Знайшлі арыенцір — трымайцеся яго і нікуды не зварочвайце. Ніколі не пераходзіце раку і тым больш балота. Для начоўкі варта распаліць вогнішча на ўзвышшы, лепш паблізу вялікага дрэва.

— Калі чалавек не вярнуўся ў прызначаны час, блізкім неабходна паведаміць аб тым, што здарылася, у міліцыю. Не спрабуйце працягнуць пошукі самастойна. Сілы, скажам, пажылога чалавека, які правёў доўгі час у лесе, могуць быць на зыходзе. У такой сітуацыі дарагая кожная гадзіна, — кажа Пётр Ленец. — Пры неабходнасці супрацоўнікі міліцыі выклічуць ратавальнікаў, кінолагаў, арганізуюць пошукі з дапамогай спецыяльнай тэхнікі.

Падзяліцца

Апошнія запісы

У Гродне з’явіўся амерыканскі дэсерт — печыва з рознымі начыннямі

У Гродне пачалі прадаваць «крамбл кукіс» — амерыканскае печыва з рознымі дадаткамі і салодкімі топінгамі.…

28 красавіка 2025

Назву гурта Dzieciuki і яго сацсеткі прызналі «экстрэмісцкімі». Падобна, што «экстрэмісцкай» стала і першая беларускамоўная газета

Сацсеткі панк-гурта з Гродна Dzieciukі і сам гэты надпіс у Беларусі прызналі "экстрэмісцкімі матэрыяламі". Паводле фармулёўкі…

27 красавіка 2025

Нерухомасць тыдня: у Гродне прадаюць дом з ажурным балконам за 60 метраў ад Нёмана

У Гродне на продаж выставілі дом на 2-м Падольным завулку - па суседстве з рэстаранам…

26 красавіка 2025

Школьнікі з Гродна трапілі пад прафілактыку за «зігаванне» і нацысцкую сімволіку

Міліцыя Грjдзенскай вобласці маніторыла Інтэрнэт і занепакоілася "нацызмам" сярод школьнікаў. Яны "зігуюць", слухаюць музыку Трэцяга…

25 красавіка 2025

У Гродне правялі беларуска-польскі форум для бізнесменаў. Гаварылі пра важнасць Расіі

Дыялогавая пляцоўка для бізнесменаў з Беларусі і Польшчы прайшла ў Гродне 25 красавіка. Мясцовыя ўлады…

25 красавіка 2025

«Будзе капаць на галовы» — што гродзенцы думаюць пра новыя кветкавыя аркі на Савецкай

Гродзенцы не ацанілі новыя канструкцыі для кветак на Савецкай. У красавіку на пешаходнай вуліцы ўсталявалі…

24 красавіка 2025