Гродзенскі абласны выканаўчы камітэт адказаў на зварот гродзенскіх правабаронцаў Віктара Сазонава, Рамана Юргеля і журналіста Уладзіміра Хільмановіча, піша harodniaspring.org. Зварот датычыў таго, што адбываецца сістэмная дыскрымінацыя беларускай мовы на галоўных дзяржаўных сайтах вобласці.
Правабаронцы пісалі, што нават зараз, у час выбарчай кампаніі, калі заканадаўства абавязвае праз гэтыя сайты належна інфармаваць насельніцтва пра хаду кампаніі, на беларускамоўных версіях дадзеных сайтаў беларуская мова ігнаруецца. Змест у нібыта беларускамоўнай версіі сайтаў падаецца толькі па-руску.
Адказ дадзены за подпісам начальніка галоўнага ўпраўлення арганізацыйна-кадравай работы аблвыканкаму Валерыя Клімовіча. Ён дзякуе за неабыякавасць да дзяржаўных сайтаў і сцвярджае, што ўсё напаўненне афіцыйнага сайту аблвыканкаму адбываецца ў адпаведнасці з нарматыўна-прававымі актамі. У тым ліку і раздзел, які датычыць выбараў.
Пэўныя станоўчыя зрухі па напаўненні беларускамоўнай версіі сайту аблвыканкаму адбыліся. Банер «Выбары-2019» і загалоўкі рубрыкі ўжо па-беларуску. Правабаронцы спадзяюцца, што гэтая тэндэнцыя захаваецца і версіі сайту Гродзенскага аблвыканкаму на розных дзяржаўных мовах стануць урэшце аналагічнымі.
Адказу з Гродзенскага гарвыканкаму, куды праваабаронцы звярталіся з аналагічным зваротам, пакуль няма.
Гродзенцы звярнулі ўвагу, што з будынка па вуліцы Ажэшкі, 42 знікла шыльда «Спорттавары». Instagram-акаўнт крамы…
Іміджавы фільм аб інвестыцыйнай прывабнасці Гродна задумалі ў гарвыканкаме. На яго выдаткуюць бюджэтныя грошы. Відэа…
У Гродне пачалі прадаваць «крамбл кукіс» — амерыканскае печыва з рознымі дадаткамі і салодкімі топінгамі.…
Сацсеткі панк-гурта з Гродна Dzieciukі і сам гэты надпіс у Беларусі прызналі "экстрэмісцкімі матэрыяламі". Паводле фармулёўкі…
У Гродне на продаж выставілі дом на 2-м Падольным завулку - па суседстве з рэстаранам…
Міліцыя Грjдзенскай вобласці маніторыла Інтэрнэт і занепакоілася "нацызмам" сярод школьнікаў. Яны "зігуюць", слухаюць музыку Трэцяга…