Навучыцца ратаваць. У Налібоцкай пушчы пройдзе рэаліці-квэст з Мікалаем Драздовым

У Налібоцкай пушчы 31 жніўня пройдзе пошукавы рэаліці-квэст. У мерапрыемстве возьме ўдзел тэлевядоўца і знаўца выжывання ў дзікай прыродзе Мікалай Драздоў. Мэта квэста, які правядзе мабільны аператар МТС супольна з ПРА «Ангел», — даць магчымасць усім неабыякавым паспрабаваць сябе ў ролі валанцёра.

Квэст будзе максімальна набліжаны да пошукавай аперацыі. Камандам трэба будзе пабудаваць верны маршрут і адшукаць лагер, дзе іх будзе чакаць Мікалай Драздоў. Каб паспяхова справіцца з задачай квэста, удзельнікам трэба адшукаць арыенціры ў лесе па компасе, аказаць першую дапамогу і зрабіць прылады для выратавання з падручных сродкаў. Суправаджаць каманды будуць дасведчаныя інструктары.

У лагеры тэлевядоўца правядзе майстар-клас па правілах паводзін у дзікай прыродзе і раскажа пра свае прыгоды на незаселенай выспе ў праекце «Апошні герой».

Прыняць удзел у квэсце можа кожны ахвотны, старэйшы за 18 гадоў. Для гэтага трэба да 27 жніўня прайсці рэгістрацыю і зрабіць репост апошняга запісу з пабліка ПРА «Ангел» (на выбар — Facebook, ВК, Instagram, ОК) з хештегом # ЯидуискатьсМТС. Пасля гэтага валанцёры атрада выберуць удзельнікаў, імёны якіх будуць абвешчаныя 29 жніўня.

«Мы хочам паказаць, што дапамагаць іншым вельмі важна і не так складана, як часам здаецца. Менавіта таму сцэнар квэста максімальна набліжаны да ўмоў пошукава-выратавальнай аперацыі. Спадзяемся, што добраахвотнікі, якія пройдуць квэст, змогуць прымяніць свае навыкі ў будучыні і, магчыма, выратаваць камусьці жыццё. Акрамя таго, яны будуць ведаць, як паводзіць сябе ў лесе і ў іншай неспадзяванай сітуацыі», — растлумачылі ў кампаніі МТС.

Падзяліцца

Апошнія запісы

У Гродне падаражэў праезд у гарадскім транспарце — і на прыгарадных маршрутах

З 5 красавіка ў Гродне талоны на праезд у гарадскім грамадскім транспарце даражэюць на 10…

4 красавіка 2025

«Інтэр'еры з Pinterest» і «цэны як у Венецыі». У Гродне адкрылі буцік-гатэль The Cult на месцы знесенага гістарычнага будынка

У Гродне на Віленскай, 37 адкрыўся новы буцік-гатэль і рэстаран The Cult - і выклікаў…

2 красавіка 2025

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025