Гродзенскі «Нёман» 14-га жніўня аб’явіў аб чарговым падпісанні гульца. Пачаткоўцам гродзенскай каманды стаў 30-гадовы мексіканскі нападнік Альберто Марын. Кантракт з футбалістам разлічаны да канца года.
Марын стаў першым мексіканскім гульцом у гісторыі беларускіх чэмпіянатаў.
У сябе на радзіме гулец выступаў у трэцім дывізіёне. У 2016 годзе ён перайшоў у каманду другога дывізіёна Фінляндыі «Яра» з Якобстада, дзе ў 25 матчах забіў 11 мячоў. Пасля гэтага мексіканец адправіўся ў Бельцы, дзе правёў пол года ў «Зары», якая выступала ў мацнейшым дывізіёне Малдовы. У сямі матчах вясновай часткі чэмпіянату нападнік забіў усяго адзін мяч і дайшоў з клубам да фіналу Кубка Малдовы.
У ліпені 2017 года Марын вярнуўся ў Фінляндыю і заключыў гадавы кантракт з «Оўлу» з аднайменнага горада. У 2017 годзе ў 15 матчах чэмпіянату забіў 8 мячоў, а у 2018 годзе ў 24 матчах вызначыўся 17 разоў і зрабіў 5 выніковых перадач, стаўшы лепшым бамбардзірам лігі. Па выніках года быў названы лепшым гульцом каманды, а таксама прызнаны лепшым нападнікам лігі сезона 2018 года і перападпісаў кантракт з клубам на сезон 2019 года. У першай частцы чэмпіянату Марын ў дзевяці матчах забіў 2 мячы.
За тры гады, праведзеных у Фінляндыі, футбаліст згуляў 89 афіцыйных матчаў, у якіх забіў 46 мячоў.
У ноч з 31 cнежня на 1 студзеня ў цэнтры Гродна пройдзе святочная праграма пад…
Сэрвіс таксі "Яндэкс Go» прааналізаваў статыстыку за мінулы год і назваў самы выгадны час для…
Сябры! Дзякуй, што былі з намі ў гэтым годзе. Што сачылі за нашымі навінамі, рэагавалі…
Графік працы гродзенскіх устаноў у навагоднія святы. Паліклінікі і бальніцы 1, 2 і 7 студзеня…
Былы гарнізонны дом афіцэраў у Слоніме рэканструююць пад духоўна-асветніцкі цэнтр. Хутка там пачнуцца мантажныя работы.…
На фасад жылога дома на Свярдлова, 4 у Гродне вернуць дэкор, а ў пад'ездзе ўсталююць…