Фота: sk.gov.by
Падчас археалагічных раскопак каля аг. Гальшаны Ашмянскага раёна знайшлі ўпрыгажэнні X стагоддзя, паведаміў belta.by кіраўнік экспедыцыі, навуковы супрацоўнік Інстытута гісторыі Нацыянальнай акадэміі навук Беларусі Павал Кенька.
«У гэтым годзе мы праводзілі раскопкі ў саміх Гальшанах і каля вёскі Шчапанавічы. Даследаваўшы магільнік X стагоддзя, мы знайшлі калектыўнае пахаванне чатырох мужчын і адной жанчыны. Пахаванне асабліва цікава сваім наборам рэчаў. Знойдзены скандынаўскія, славянскія, усходне-літоўскія, латгальскіх і волжска- булгарскія артэфакты. У прыватнасці, мы выявілі розныя ўпрыгажэнні X стагоддзя: бранзалеты, фігурныя накладкі, фібулы, жаночыя шыйныя грыўны «, — сказаў Павал Кенька.
Пахаванне у выяўленым каля Гальшан магільніку праводзілася паволе паганскага абраду. У той час загінулых воінаў спальвалі разам з іх маёмасцю (дзіды, сякеры, нажы, бранзалеты, фібулы, паясы). Нярэдка разам з мужчынамі хавалі іх жонак. Пасля таго, як полымя згасала, косткі разам з попелам і падсмаленымі рэчамі пераносілі на падрыхтаваную пляцоўку і насыпалі над імі курган.
Гэтае пахаванне адлюстроўвае развіццё этнакультурных сувязей насельніцтва беларускага Панямоння ў эпоху вікінгаў. У Гальшанах і Шчапановічах стаялі памежныя фарпосты, устаноўленыя на мяжы X-XI стагоддзяў падчас ваенных паходаў кіеўскіх князёў Уладзіміра і Яраслава на «літву».
Новыя суддзі з'явіліся ў Гродне і вобласці па ўказе Лукашэнкі. Жыхара Навагрудка судзяць за атрыманне…
На пляцоўцы «Куфар» з'явілася аб'ява аб продажы гродзенскай кавярні «Чашки&ложки». Установа ўжо чатыры гады працуе…
Аб'явы аб здачы памяшканняў у арэнду з'явіліся ў Instagram-акаўнце royal.grodno і на “Куфары”. У аб'явах…
Гродзенскія пункты выдачы заказаў Wildberries і Ozon аказаліся перапоўнены падарункамі для жывёл. Гэта вынік Таемнага…
Новы сувенір у выглядзе "раскладанкі" са знакавымі аб'ектамі Гродна ствараюць улады. Яго выканаюць у выглядзе…
Некалькі сотняў Дзядоў Марозаў, Снягурак, сабачак, вавёрачак і разнастайных іншых персанажаў 20 снежня прайшлі ад…