Сярэдняя школа № 41, размешчаная ў мікрараёне Альшанка, стане першай і пакуль адзінай школай-гігантам на Гарадзеншчыне. Зараз тут кожны дзень працуе каля пяцісот будаўнікоў: выконваюць аздобна-мантажныя работы, укладваюць падлогу, усталёўваюць дзверы, збіраюць мэблю, на днях прыедзе першая партыя шматфункцыянальных магнітных дошак для малявання. Першых класаў у новым навучальным годзе тут набяруць 24, а вось выпускнікоў хутчэй за ўсё не будзе — аддаюць перавагу атрымаць атэстат там, дзе вучыліся, піша grodnoplustv.by.
Дом за пусткай. Менавіта так тлумачыла яшчэ год таму жыхарка мікрараёна Альшанка Вікторыя Сушко свой адрас сябрам. Кажа, калі замест шырокага поля, зарослага быльнікам і травой з’явілася чатырохпавярховая школа, нават не зразумела. Маладая маці ўжо сёння марыць, як сын Максіміліян падрасце, і будзе вучыцца менавіта тут, у некалькіх метрах ад дома.
Школа пакуль выглядае, як велізарная будоўля, але з кожным днём яе тэрыторыя змяняецца. Пабудаваныя ўнутры будынка некалькі спартыўных залаў і басейны на 10 і 25 метраў абліцоўваюць пліткай, там, дзе будуць працаваць гульнявая, гімнастычная, трэнажорная і харэаграфічная залы, — шпатлюют сцены, укладваюць падлогу. Побач са школай неўзабаве з’явіцца футбольнае поле са штучным пакрыццём і бегавыя дарожкі. Дарэчы, адкрыцця школы чакаюць не толькі дзеці, але і дарослыя. Бо інфраструктурай зможа карыстацца кожны жыхар мікрараёна.
— На дадзенай школе працуе каля 500 чалавек, яны працуюць з у дзве змены, і па суботах, і па нядзелях. Праводзяцца штодзённыя вытворчыя нарады, на якіх гавораць, якія работы выкананы, што неабходна выканаць сёння, заўтра, штодзённы пастаянны вядзецца кантроль як з боку замоўцы, так і з боку генеральнага падрадчыка, — патлумачыў Алег Мацюш, галоўны інжынер дзяржаўнага прадпрыемства «УКБ г. Гродна».
Гарачая пара зараз не толькі ў будаўнікоў, але і ў спецыялістаў аддзела адукацыі. Камплектаванне педагагічнага калектыву і тэхперсанала школы, пабудаванай з нуля — задача складаная і сур’ёзная. Да ўрачыстага адкрыцця навучальнай установы засталося крыху больш за месяц. Актыўна фармуецца не толькі кадравы склад школы, працуе ў поўную сілу і камісія па прыёмцы дакументаў дзяцей у першыя і наступныя класы.
— Сфарміравана ўжо адміністрацыя школы і на сённяшні дзень пададзена 1350 заяў у класы і ў тым ліку 340 заяў у першыя класы. Ужо праведзены пэўныя працэдуры па закупцы мэблі, тэхналагічнага абсталявання, вядзецца пастаўка гэтага абсталявання ў школу, — распавёў Андрэй Семанчык, начальнік аддзела адукацыі Гродзенскага гарвыканкама.
Наперадзе напружаны месяц. Калі ўсё пойдзе па плане, на 25 жніўня ўсе будаўнічыя работы тут будуць скончаны. Але, каб адкрыць школу ў Дзень ведаў, трэба яшчэ не толькі абсталяваць памяшканні, але і зрабіць генеральную ўборку. Да яе збіраюцца прыцягнуць бацькоў, дзяцей і настаўнікаў.
"Пяльменная 1961" пачала працу на Савецкай, 23 у суботу, 22 лютага. Установа адкрылася на тым…
Шматгадзінныя чэргі, перфаратар і два акенца на рэгістрацыю. Дзяўчына схадзіла ў Гродзенскае агенцтва па дзяржаўнай…
Прадпрыемства "Гродна Азот" 12 лютага ў Telegram-канале анансавала конкурс да Дня роднай мовы. Да самога…
Палітзняволены з Гродна Кірыл Кетурка скончыў жыццё самагубствам у Цэнтры ўтрымання пад вартай у Варшаве-Служэўцы…
Былому сенатару і дырэктару «Краснасельскбудматэрыялы» Уладзіміру Кісялёву пагражае да трох гадоў калоніі за разгалашэнне службовай…
"Малочны Мір" абавязалі змяніць назву для серыі глазураваных сыркоў. Пасля чыёсьці скаргі ў Міністэрства антыманапольнага…